पहलगाम, 11 सेप्टेम्बर (हि.स.)। नोर्दर्न कमाण्डका जनरल अफिसर कमाण्डिङ्ग-इन-चीफ लेफ्टिनेन्ट जनरल प्रतीक शर्माले शुक्रवार भने, जम्मू-कश्मीरमा शान्ति कायम राख्नको साथै राष्ट्र निर्माणको लागि सेना प्रतिबद्ध रहनेछ।
पहलगामको आर्मी गुडविल स्कूल (एजीएस) मा आयोजित एक कार्यक्रमलाई सम्बोधन गर्दै लेफ्टिनेन्ट जनरल शर्माले भने, जति-जति हामी 'विकसित भारत' तर्फ अग्रसर हुँदै गइरहेका छौं, उति-उति शान्ति सुनिश्चित गर्दै राष्ट्र निर्माणप्रति आफ्नो प्रतिबद्धतालाई कायम राख्नेछौं। उनले भने, यो प्रतिबद्धता जम्मू-कश्मीरका मानिसहरूप्रति गरिएको हो। उनले अझ भने, तपाईहरूको शान्ति हाम्रो उद्देश्य हो, तपाईहरूको आशा हाम्रो मिशन हो तथा तपाईहरूको सफलता हाम्रो गर्व हो।
सेना कमाण्डरले विद्यार्थीहरूको उपलब्धिहरूको सराहना गर्दै उनीहरूको सफलताको श्रेय उनीहरूका माता-पिताको मार्गदर्शन र शिक्षकहरूद्वारा दिइएको राम्रो शिक्षालाई दिए। उनले बताए, 'यङ्ग साइन्टिस्ट इण्डिया 2025' मा एजीएस वुज़ूरले राष्ट्रिय स्तरमा तेस्रो तथा एजीएस उरीले छैटौं स्थान हासिल गरेका छन् भने एजीएस वुजूरले हालैमा इनोभेशन क्याटगरीमा टप-10 स्कूलहरूमा स्थान बनाएको छ।
हिन्दुस्थान समाचार / उष्णता छेत्री शर्मा
