नाम्ची, 11 सेप्टेम्बर (हि.स.)। विशेष गहन पुनरीक्षण (एसआईआर) प्रक्रिया सम्पन्न भएपछि नाम्ची जिल्लाअन्तर्गत रहेका सातवटा विधानसभा निर्वाचन क्षेत्रको अन्तिम मतदाता संख्या निर्धारण गरिएको छ।

९- बर्फुङ निर्वाचन क्षेत्रमा एसआईआर प्रक्रियाअघि कुल मतदाता संख्या १६,३७५ रहेको थियो। पुनरीक्षणपछि अन्तिम मतदाता संख्या १५,०५५ कायम भएको छ भने १,३२० मतदाता हटाइएका छन्। यसरी नै १०-पोकलोक-कामराङ निर्वाचन क्षेत्रमा एसआईआरअघि १६,९५३ मतदाता रहेका थिए। एसआईआर प्रक्रिया सम्पन्न भएपछि अन्तिम संख्या १५,७६३ कायम भएको छ। यस निर्वाचन क्षेत्रबाट कुल १,१९० मतदाता हटाइएका छन्।

११-नाम्ची-सिङ्गीथाङ निर्वाचन क्षेत्रमा एसआईआरअघि कुल १३,५३० मतदाता रहेका थिए। पुनरीक्षणपछि अन्तिम संख्या ११,९३९ कायम भएको छ भने १,५९१ मतदाता हटाइएका छन्।१२-मल्ली निर्वाचन क्षेत्रमा एसआईआरअघि १६,२१० मतदाता रहेका थिए। एसआईआरपछि अन्तिम मतदाता संख्या १४,९७५ कायम भएको छ भने १,२२६ मतदाता हटाइएका छन्।

१३-नामथाङ-रातेपानी निर्वाचन क्षेत्रमा एसआईआरअघि कुल १६,५९४ मतदाता रहेका थिए। पुनरीक्षणपछि अन्तिम संख्या १५,१९५ कायम भएको छ भने १,३९९ मतदाता हटाइएका छन्। १४-तिमी-नाम्फिङ निर्वाचन क्षेत्रमा एसआईआर प्रक्रियाअघि कुल १५,५४९ मतदाता रहेका थिए। पुनरीक्षणपछि यो संख्या घटेर १३,७०१ कायम भएको छ। यस निर्वाचन क्षेत्रबाट १,८४८ मतदाता हटाइएका छन्। यसैगरी, १५-राङगाङ-याङगाङ निर्वाचन क्षेत्रमा एसआईआरअघि कुल १५,४४९ मतदाता रहेका थिए। पुनरीक्षणपछि अन्तिम मतदाता संख्या १४,१४० कायम भएको छ भने १,३०९ मतदाता हटाइएका छन्।

यसअनुसार सातवटा विधानसभा निर्वाचन क्षेत्र रहेको नाम्ची जिल्लामा एसआईआर प्रक्रियाअघि कुल १,१०,६५१ मतदाता रहेका थिए। एसआईआर प्रक्रिया सम्पन्न भएपछि अन्तिम मतदाता संख्या १,००,७६८ कायम भएको छ भने नाम्ची जिल्लाबाट कुल ९,८८३ मतदाता हटाइएका छन्।

हिन्दुस्थान समाचार / बिशाल