नयाँ दिल्ली, 12 सेप्टेम्बर (हि.स.)। प्रधानमन्त्री नरेन्द्र मोदीले शनिबार नयाँ दिल्लीस्थित भारत मण्डपमा चीनका राष्ट्रपति शी जिनपिङसँग द्विपक्षीय भेटवार्ता गरेका छन्। १८औँ ब्रिक्स शिखर सम्मेलन २०२६ का अवसरमा सम्मेलनस्थलमै दुई नेताबीच भेटवार्ता भएको हो।
भेटका क्रममा प्रधानमन्त्री मोदीले राष्ट्रपति शीलाई भारतमा स्वागत गर्दै भारतको ब्रिक्स अध्यक्षताका क्रममा चीनबाट प्राप्त समर्थन र सहयोगका लागि आभार व्यक्त गरे। उनले दुई देशबीचको सुदृढ द्विपक्षीय सम्बन्धलाई पुनः जोड दिँदै आपसी सहयोगका विषयमा छलफल गर्ने अवसर प्राप्त भएको बताए।
यसअघि प्रधानमन्त्री मोदीले भारत मण्डपमा आयोजित ब्रिक्स शिखर सम्मेलनका केही तस्बिर सामाजिक सञ्जालमार्फत सार्वजनिक गरेका थिए। तस्बिरमा उनी चिनियाँ राष्ट्रपति शी जिनपिङ र रुसी राष्ट्रपति भ्लादिमिर पुतिनसँग हात समातेको देखिएका छन्। तीनै नेताको उक्त तस्बिरले ब्रिक्स सम्मेलनको मञ्चबाट विश्वलाई महत्वपूर्ण सन्देश दिएको छ।
हिन्दुस्थान समाचार / बिशाल
