जकार्ता, १२ सेप्टेम्बर (हि.स.)। इन्डोनेसियाको उत्तरपूर्वी जाभा प्रान्तमा शुक्रबार बिहान ६.६ तीव्रताको भूकम्प गएको छ। अमेरिकी भूगर्भ सर्वेक्षणका अनुसार, भूकम्पको केन्द्र तेलुकनागा नजिक रहेको थियो। स्थानीय समयअनुसार बिहान करिब ४ः२३ बजी भूकम्प गएको हो।
टर्कीको सरकारी समाचार संस्था अनाडोलु तथा अन्य सञ्चारमाध्यमले अमेरिकी भूगर्भ सर्वेक्षणलाई उद्धृत गर्दै जनाएअनुसार, भूकम्प जमिनको सतहबाट करिब ३५८.६ किलोमिटर गहिराइमा गएको थियो। अत्यधिक गहिराइमा गएको भूकम्पका कारण तत्काल कुनै ठूलो क्षति वा मानवीय क्षतिको सूचना प्राप्त भएको छैन।
स्थानीय अधिकारीहरूले पनि ठूलो संरचनागत क्षतिको जानकारी नआएको बताएका छन्। भूकम्पपछि सुनामीको कुनै चेताउनी जारी गरिएको छैन।
इन्डोनेसिया प्रशान्त महासागरको ‘रिङ अफ फायर’ क्षेत्रमा अवस्थित छ। यस क्षेत्रमा भौगर्भिक प्लेटहरूको गतिविधिका कारण भूकम्प र ज्वालामुखी विस्फोटको जोखिम उच्च रहने गरेको छ। हाल अधिकारीहरूले अवस्थामाथि निगरानी राख्दै सम्भावित क्षतिको विवरण संकलन गरिरहेका छन्।
हिन्दुस्थान समाचार / बिशाल
