नयाँ दिल्ली, १४ सेप्टेम्बर (हि.स.)। भारतीय जनता पार्टी (भाजपा)ले पञ्जाबका युवालाई लागुऔषधको लतबाट मुक्त गराउन नशा र गुण्डागर्दी विरुद्ध अभियानलाई तीव्र बनाउने निर्णय गरेको छ। भाजपाले १८ सेप्टेम्बरदेखि नशामुक्ति अभियान शुरु गर्ने भएको छ।

भाजपाको केन्द्रिय मुख्यालयका प्रभारी तथा सांसद तरुण चुगले सोमवार पत्रकारहरूलाई पार्टीले निरन्तर लागुऔषध, असूली र गुण्डाहरूको राजनीतिकरण विरुद्ध आवाज उठाउँदै आएको बताए। अब राष्ट्रिय अध्यक्ष नितिन नवीनको नेतृत्वमा पञ्जाबमा चार वटा यात्रा निकालिने उनले जानकारी दिए। यी यात्राहरू विभिन्न स्थानबाट शुरु हुनेछन्।

उनी अनुसार, १८ सेप्टेम्बरमा पठानकोटबाट शुरु हुने यात्राको शुभारम्भ भाजपा अध्यक्ष नितिन नवीनले गर्नेछन्। १९ सेप्टेम्बरमा फतेहगढ़ साहिबबाट शुरु हुने यात्राको शुभारम्भ दिल्लीकी मुख्यमन्त्री रेखा गुप्ताले गर्नेछिन्। यसैगरी, २० सेप्टेम्बरमा फाजिल्काबाट शुरु हुने यात्राको नेतृत्व केन्द्रिय कानून तथा न्याय राज्यमन्त्री (स्वतन्त्र प्रभार) अर्जुनराम मेघवालले गर्नेछन्। २१ सेप्टेम्बरमा भटिन्डाबाट शुरु हुने यात्राको शुभारम्भ केन्द्रिय कृषिमन्त्री शिवराज सिंह चौहानले गर्नेछन्।

चारवटै यात्रा मार्फत पञ्जाबमा लागुऔषध विरुद्ध जनचेतना अभियान सञ्चालन गरिनेछ। साथै असूली र गुण्डागर्दी विरुद्ध जनतालाई सचेत गराउँदै यस लड़ाइँमा सक्रिय सहभागिताका लागि तयार गरिने चुगले बताए।

यी यात्राको उद्देश्य पञ्जाबलाई नशामुक्त र भयमुक्त बनाउने संकल्पलाई अझ् सुदृढ़ गर्नु रहेको उनले बताए।

हिन्दुस्थान समाचार / भवानी थामी