कोलकाता, 02 सेप्टेम्बर (हि.स.)। गाङ्गेय पश्चिम बङ्गाल एवं संलग्न तटीय क्षेत्रहरूको माथि विकसित कम दबावको प्रभावले बुधवार पनि राज्यमा वर्षाको प्रभाव कायम रहनेछ। मौसम विभाग अनुसार यो मौसमी तन्त्र पश्चिम-उत्तर-पश्चिम दिशा तर्फ बढ़िरहेको जसकारण राज्यका केही भागहरूमा बादल लाग्नको साथै वर्षाको श्रृङ्खला कायम रहने सम्भावना छ।

उत्तर बङ्गालका उप-हिमालयी जिल्लाहरू क्रमैले दार्जीलिङ, कालेबुङ, जलपाईगुड़ी, अलिपुरद्वार औ कुचबिहारमा मौसम विभागले घना वर्षा, गर्जनसितै बिजुली चम्किने तथा तीव्र हावा चल्ने चेताउनी जारी गरेको छ। पहाड़ी क्षेत्रहरूमा पैह्रो जाने र समतलमा पानी जमिने स्थितिलाई ध्यानमा राखेर स्थानीय प्रशासनलाई सतर्क रहने निर्देश दिइएको छ।

यता दक्षिण बङ्गालको कोलकाता, हावड़ा, हुगली, उत्तर एवं दक्षिण 24 परगना, पूर्वी एवं पश्चिमी मेदिनीपुर औ ब्यारकपुर सहित विभिन्न जिल्लाहरूमा दिनभरि नै आंशिक रूपमा बादल लागिरहनेछ। पछिल्लो दिनमा भएको घना वर्षापछि आज वर्षाको तीव्रता घट्नेछ तथापि केही स्थानहरूमा हल्कादेखि मद्यम वर्षा हुने सम्भावना छ। पनागढ़, क्यानिङ्ग र हल्दिया जस्ता क्षेत्रहरूमा रोकिँदै पानी परिरहेको छ।

तापमानको कुरा गर्नु हो भने कोलकाता र यस वरपरका क्षेत्रहरूमा अधिकतम तापमान लगभग 31°C- 32°C र न्यूनतम तापमान 26°C लगभग रहने अनुमान लगाइएको छ। हावामा आद्रताको स्तर 88-92 प्रतिशतबीच रहनेछ जसबाट मानिसहरूलाई आद्रताजन्य समस्याहरूको सामना गर्न परिरहेको छ। मौसम वैज्ञानिकहरू अनुसार आगामी 24-48 घण्टासम्म राज्यमा मनसुन सक्रिय रहनेछ।

हिन्दुस्थान समाचार / उष्णता छेत्री शर्मा