अनूपपुर, २० सेप्टेम्बर (हि.स.)। मध्य प्रदेशको अनूपपुर जिल्लामा पुलिसले गाँजा तस्करी विरुद्ध कारबाही गर्दै शनिवार–आइतवार राति दुई जना आरोपीलाई पक्राउ गरेको छ। दुवै आरोपी मोटरसाइकलमा ५.६० किलो गाँजा लिएर राजेन्द्रग्रामतर्फ जाँदै थिए। पुलिसले उनीहरूदेखि गाँजा र तस्करीमा प्रयोग गरिएको मोटरसाइकल सहित १ लाख ३० हजार ६०० रुपियाँ बराबरको समान जफत गरेको छ।
पुलिस अधीक्षक विक्रान्त मुराब अनुसार, १९–२० सेप्टेम्बरको राति कोतवाली पुलिसलाई एमपी ६५ जेडए ९६७० नम्बरको मोटरसाइकलमा दुई जना युवकले झोलामा गाँजा बोकेर अनूपपुरबाट राजेन्द्रग्रामतर्फ जाँदै गरेको सूचना प्राप्त भएको थियो। सूचनाका आधारमा पुलिसले राजेन्द्रग्राम–अनूपपुर सड़कमा कोयलारी तिराहानजिक नाकाबन्दी गरेको थियो। शंकास्पद मोटरसाइकल आएपछि पुलिसले घेराबन्दी गरी दुवै युवकलाई पक्राउ गरेको हो।
सोधपुछका क्रममा उनीहरूको पहिचान राजेन्द्रग्राम थाना क्षेत्रको नौगवाँ निवासी ३३ वर्षीय दिनेश कुमार बन्जारा र बुढार थाना क्षेत्रको पञ्चवटी मोहल्ला निवासी ३२ वर्षीय सुनील उर्फ मज्जु यादवका रूपमा भएको पुलिसले जनाएको छ। मोटरसाइकलमा राखिएको झोलाको तलासी लिँदा पाँच वटा प्याकेटमा ५.६० किलो गाँजा जफत भयो।
पुलिस अनुसार, जफत गाँजाको मूल्य लगभग ५० हजार ६०० रुपियाँ तथा मोटरसाइकलको मूल्य ८० हजार रुपियाँ रहेको छ। कूल १ लाख ३० हजार ६०० रुपियाँ बराबरको समान जफत गरिएको छ। दुवै आरोपी विरुद्ध एनडीपीएस एक्टको धारा ८/२०बी अन्तर्गत मुद्दा दर्ता गरिएको छ।
थाना प्रभारी सञ्जय अशोक एक्का अनुसार, सोधपुछका क्रममा आरोपीहरूले ओडिशाबाट गाँजा ल्याएर अनूपपुर आएको जानकारी दिएका छन्। दुवै जना रेलवे स्टेसनतर्फबाट मोटरसाइकलमा गाँजा बोकेर राजेन्द्रग्राम जाँदै थिए। पुलिस अनुसार, उनीहरूले त्यहाँ गाँजा बिक्री गर्ने तयारी गरेका थिए, तर कोयलारी तिराहामा पक्राउ परेका हुन्।
हिन्दुस्थान समाचार / भवानी थामी
