नाम्ची, २२ सेप्टेम्बर (हि.स.)। नाम्ची-सिङ्गीथाङ निर्वाचन क्षेत्रका क्षेत्र विधायक सतीशचन्द्र राईले आज नाम्ची खण्डअन्तर्गत मिक्खोला-सिङ्गीथाङ ग्राम पञ्चायत एकाइको लोवर कोप्चे वार्डमा सिक्किम गरिब आवास योजना (एसजीएवाई) अन्तर्गत लाभार्थी हरकमान राईका लागि निर्माण गरिएको घरको उद्घाटन गरे।
सिक्किम सरकारको ग्रामीण विकास विभागको अगुवाइमा आयोजित कार्यक्रममा समाजका आर्थिक रूपमा कमजोर वर्गको जीवनस्तर सुधार तथा सुरक्षित आवासको व्यवस्था गर्ने राज्य सरकारको निरन्तर प्रयासअन्तर्गत उक्त घर निर्माण गरिएको जनाइएको छ।
उद्घाटन कार्यक्रममा पञ्चायती राज विभागकी सल्लाहकार रमा तामाङ, विधायकका ओएसडी एसजे लेप्चा, पूर्व अध्यक्ष टासी तामाङ, नाम्चीका खण्ड विकास अधिकारी उपेन्द्र राई, पञ्चायत अध्यक्ष सुरेन राई तथा मिक्खोला-सिङ्गीथाङ ग्राम पञ्चायत एकाइका पञ्चायत प्रतिनिधिहरूको उपस्थिति थियो।
लाभार्थी हरकमान राईले योजनाअन्तर्गत आवासीय सहयोग उपलब्ध गराएकोमा मुख्यमन्त्री प्रेमसिंह तामाङप्रति हार्दिक आभार व्यक्त गरे। उनले घरसँगै आवश्यक फर्निचरसमेत उपलब्ध गराइएकोमा कृतज्ञता व्यक्त गर्दै यसबाट आफ्नो परिवारको जीवनस्तर तथा समग्र सुख-सुविधामा उल्लेखनीय सुधार आउने बताए।
हिन्दुस्थान समाचार / बिशाल
