कोकराझार (असम), 25 सेप्टेम्बर (हि.स.)। सेवा सङ्कल्प अभियान अन्तर्गत कोकराझार जिल्लाको बाङ्गालडोबा, नायक गाउँस्थित जीबीएस ओल्ड एज होममा शुक्रवार बुजुर्गहरूका लागि एकीकृत स्वास्थ्य जाँच शिविर आयोजना गरियो। यस शिविरमा कुष्ठ रोग, क्षयरोग (टीबी), मानसिक स्वास्थ्य तथा एक्स-रे सहित विभिन्न स्वास्थ्य जाँचका सुविधाहरू उपलब्ध गराइयो।

जिल्ला प्रशासन, कोकराझारद्वारा स्वास्थ्य विभाग तथा सामाजिक न्याय एवं सशक्तिकरण विभागको सहयोगमा आयोजित यस शिविरको उद्देश्य वृद्धजनहरूसम्म सहज स्वास्थ्य सेवा पुऱ्याउनु तथा सम्भावित स्वास्थ्य समस्याहरूलाई प्रारम्भिक स्तरमा चिन्हित गर्नु थियो।

शिविरमा स्वास्थ्य सेवाहरूका निदेशक, जिल्ला टीबी अधिकारी, क्लिनिकल साइकोलजिस्ट, जिल्ला समाज कल्याण अधिकारी, डीएमसी, डीएचईडब्ल्यू सहित चिकित्सा दलका सदस्यहरू उपस्थित थिए। चिकित्सा टीमले ओल्ड एज होमका वृद्धहरूको स्वास्थ्य जाँच गर्नको साथै आवश्यक स्वास्थ्य सम्बन्धी सेवा एवं परामर्श प्रदान गरियो।

अभियान अन्तर्गत आयोजित यस किसिमको एकीकृतस्वास्थ्य शिविरबाट बुजुर्गहरूको स्वास्थ्यको नियमित निगरानी, रोगहरूलाईसमयमै चिनेर आवश्यक उपचार एवं स्वास्थ्यसेवासम्मउनीहरूको पहुँचलाई सुनिश्चित गर्नमा सहायता प्राप्त हुने आशा छ।

हिन्दुस्थान समाचार / उष्णता छेत्री शर्मा