कोहिमा, २६ सेप्टेम्बर (हि.स.)। नागाल्यान्डका मोकोकचुङ र तुएनसाङ जिल्लामा पछिल्ला दुई दिनमा संदिग्ध मिसावटयुक्त रक्सी सेवनबाट कम्तीमा १९ जनाको मृत्यु भएको छ। पुलिसले शनिवार यसबारे जानकारी दिएको हो। राज्यमा तीन दशकभन्दा लामो समयदेखि रक्सी निषेध लागू छ।

पुलिस अनुसार, मोकोकचुङ जिल्लामा आठ तथा तुएनसाङ जिल्लामा ११ जनाको मृत्यु भएको छ। प्रारम्भिक अनुसन्धानमा मृतकहरूले संदिग्ध मिसावटयुक्त रक्सी सेवन गरेको आशंका गरिएको छ।

घटनाको अनुसन्धानका लागि पुलिसले विशेष अनुसन्धान टोली गठन गरेको छ। अतिरिक्त पुलिस अधीक्षक आई. बुंगलाङ चाङको नेतृत्वमा रहेको टोलीले संदिग्ध मिसावटयुक्त रक्सीको स्रोत तथा यसको आपूर्ति शृंखलाबारे अनुसन्धान गरिरहेको छ।

वरिष्ठ पुलिस अधीक्षक वेसुप्रा केजोले संदिग्ध मिसावटयुक्त रक्सीका नमुना न्यायिक प्रयोगशाला परीक्षणका लागि गुवाहाटी पठाइएको बताए। परीक्षण प्रतिवेदनबाट मृत्युको वास्तविक कारण तथा रक्सीमा कुनै विषाक्त वा हानिकारक पदार्थ मिसिएको थियो कि थिएन भन्ने पत्ता लाग्नेछ।

पुलिसले घटनासँग सम्बन्धित अन्य तथ्य तथा संदिग्ध व्यक्तिहरूबारे पनि अनुसन्धान गरिरहेको जनाएको छ।

/ बिशाल