इम्फाल, 26 सेप्टेम्बर (हि.स.)। मणिपुरको इम्फाल पूर्वी जिल्लामा विशेष सीडीओ एकाईका टोलीहरूले शुक्रवार मणिपुरको राष्ट्रिय क्रान्तिकारी मोर्चा (एनआरएफएम) का दुई कथित सक्रिय सदस्यहरूलाई पक्राउ गरेका छन्। हाल यस मामिलामा अनुसन्धान जारी छ।

पुलिस अनुसार, पक्रा परेका अभियुक्तको पहिचान लैशराम सुरेश उर्फ एल तोम्बा सिंह (27) को रूपमा भएको छ। उ इम्फाल पूर्वी जिल्लाको अचानबिगेको कोइरेन्गेई मामाङ लेइकाईको बासिन्दा लैशराम पामचौबा सिंहको छोरा हो। उसलाई उसको इलाकाबाट पक्राउ गरियो।

उसित गरिएको सोधपुछ र जानकारीको आधारमा पुलिसले कथित रूपमा असूली गरिएको 30,500 नगद, एउटा आइफोन, र एनआरएफएमका पाँच माग पत्रहरू जफत गऱ्यो। यस बाहेक दर्ता नम्बर एमएन06 एसए-6260 भएको कालो रङको मोटरसाइकल पनि जफत गरिएको छ। पुलिस अनुसार, जफत भएको पैसाले मोटरसाइकल किनिएको थियो।

थप सोधपुछमा सुरेशले आफ्नो सहयोगी नोङरेनखोम्बा लोइटोङबाम (21) को बारेमा विवरण खुलासा गरेको पुलिसले जनाएको छ। लोइटोङबाम इम्फाल पूर्वी जिल्लाको केइकोल मायाई लेइकाईको बासिन्दा लोइटोङबाम लुखोई सिंहको छोरा हो र कथित रूपमा एनआरएफएमका लागि विभिन्न गतिविधिहरू गर्थ्यो। उसलाई उसको निवासबाट पनि पक्राउ गरियो।

हिन्दुस्थान समाचार / भवानी थामी