मण्डला, २६ सेप्टेम्बर (हि.स.)। मध्यप्रदेशको मण्डला जिल्लामा शनिवार बिहान गणेश विसर्जनपछि पण्डालमा सुतिरहेका युवकहरूलाई करेन्ट लाग्दा चार जनाको मृत्यु भएको छ भने तीन जना घाइते भएका छन्। घाइतेमध्ये एक जनाको अवस्था गम्भीर रहेकाले उनलाई जिल्ला अस्पताल पठाइएको छ।

नैनपुर क्षेत्र अन्तर्गत हिरापुर गाउँमा शुक्रवार राति गणेश विसर्जनपछि पण्डालमा लगभग ७ देखि ८ जना युवक सुतिरहेका थिए। शनिवार बिहान लगभग ५ः३० बजी विद्युत्को तार चुँड़िएर पण्डालमाथि खस्दा त्यहाँ करेन्ट फैलियो। करेन्टको चपेटामा परी चार युवकको मृत्यु भएको तथा तीन जना घाइते भए। घटनाको सूचना पाएपछि पुलिसले घटनास्थलमा पुगेर स्थानीयवासीको सहयोगमा घाइतेहरूलाई अस्पताल पुर्यायो।

पुलिस अनुसार, घटनामा जैनु भावरे (१९), रवि झारिया (२४), कृष्ण कुमार भावरे (१८) र वीरेन्द्र भावरे (२४) को मृत्यु भएको छ। मृतकहरूको शव परीक्षणका लागि पठाइएको छ भने घटनाबारे अनुसन्धान शुरु गरिएको छ। गम्भीर घाइते प्रियांशुलाई उपचारका लागि जिल्ला अस्पतालमा पठाइएको छ। अन्य दुई घाइतेको नैनपुर अस्पतालमा उपचार भइरहेको छ।

नैनपुर अनुविभागीय पुलिस अधिकारी मनीष राज अनुसार हिरापुर गाउँको खिरका मोहल्लामा गणेश प्रतिमा स्थापना गरिएको थियो। समितिका सदस्यहरूले बिहान लगभग ४ बजी गणेश प्रतिमा विसर्जन गरेर फर्केका थिए। त्यसपछि झाँकीमा राखिएका सामग्रीको सुरक्षाका लागि आठ जना युवक पण्डालमै सुतेका थिए। सोही क्रममा उक्त दुर्घटना भएको हो।

विद्युत्को तार चुँड़िनु वा सकसर्किटका कारण पण्डालमा करेन्ट फैलिएको हुनसक्ने प्रारम्भिक अनुमान गरिएको छ। घटनाको वास्तविक कारणबारे विद्युत् कम्पनीको टोलीले जाँच गरिरहेको पुलिसले जनाएको छ।

/ बिशाल