नयाँ दिल्ली, २६ सेप्टेम्बर (हि.स.)। भारतीय जनता पार्टी (भाजपा) का सांसद तरुण चुगले ‘भजन क्लबिङ’लाई लिएर कांग्रेसले दिएको बयानलाई भारतीय संस्कृति, भक्ति परम्परा तथा सनातन मूल्यको अपमान गर्ने मानसिकताको संज्ञा दिएका छन्।

उनले आज विश्वभरि भारतीय भजन तथा भक्ति संगीतप्रति युवाहरूको आकर्षण बढ़िरहेको बताए। देश–विदेशका युवाहरू ‘भजन क्लबिङ’ जस्ता नयाँ माध्यम मार्फत भारतीय आध्यात्मिक परम्परासँग जोड़िरहेको उनले बताए।

चुगले शनिवार सामाजिक सञ्जालमा गरेको पोस्टमा कांग्रेसका केही नेताहरू अझै पनि “इटालीको चस्मा” बाट भारतलाई हेर्ने गरेको र आफ्नो राजनीतिका लागि भारतीय संस्कृतिको मजाक उड़ाउने गरेको आरोप लगाए। इतिहासमा पनि भक्ति परम्पराको विरोध गर्ने शक्तिहरू रहेको उल्लेख गर्दै उनले आज त्यही मानसिकता नयाँ रूपमा देखिएको बताए।

भारतीय भक्ति तथा आध्यात्मिक परम्पराप्रति युवाहरूमा बढ्दो रुचिलाई बुझ्न आवश्यक रहेको बताउँदै चुगले यसलाई दुर्भाग्यपूर्ण भनेका छन्।

उल्लेखनीय छ, कांग्रेस नेता प्रियांक खरगेले प्रधानमन्त्री नरेन्द्र मोदीमाथि निशाना साध्दै ‘भजन क्लबिङ’ जस्ता कार्यक्रममा सहभागी हुन समय हुने तर निर्वाचन आयोग र लोकतन्त्रसँग सम्बन्धित गम्भीर प्रश्नको जवाफ दिन समय नहुने आरोप लगाएका छन्। उनले पछिल्ला १३ वर्षदेखि कठिन प्रश्नहरूको सामना गर्दा सरकारको तर्फबाट जवाफदेहिताको सट्टा मौनताको रवैया देखिँदै आएको दाबी गरेका छन्।

खरगेले उत्सव तथा समारोह हुने ठाउँमा प्रधानमन्त्रीको उपस्थिति देखिने गरेको तर जवाफदेहितासँग सम्बन्धित प्रश्नमा उनी मौन रहने गरेको बताएका छन्।

/ बिशाल