नयाँ दिल्ली, २६ सेप्टेम्बर (हि.स.)। भारतीय जनता पार्टी (भाजपा) का राष्ट्रिय अध्यक्ष नितिन नवीनले २७ र २८ सेप्टेम्बरमा पश्चिम बंगालको दुईदिने भ्रमण गर्ने भएका छन्। भ्रमणका क्रममा उनले पार्टी संगठनको समीक्षा गर्नुका साथै कार्यकर्ता, नेता तथा युवाहरूसँग संवाद गर्नेछन्।

भाजपाले शनिवार जारी गरेको जानकारी अनुसार, २७ सेप्टेम्बरमा कोलकाता पुगेपछि नितिन नवीनले न्यूटाउन स्थित विश्व बांग्ला सम्मेलन केन्द्रमा बिहान ११ बजी पार्टीका नेता तथा कार्यकर्तासँग प्रधानमन्त्री नरेन्द्र मोदीको कार्यक्रम ‘मन की बात’ सुन्नेछन्। त्यसपछि उनले प्रदेश संगठनको बैठक गर्नेछन्। बैठकमा पार्टीका प्रदेश पदाधिकारी, सांसद, जिल्लाध्यक्ष, जिल्ला प्रभारी तथा विभिन्न विभागका प्रमुख सहभागी हुनेछन्।

त्यसपछि उनले सांसद तथा विधायकहरूसँग बैठक गर्नेछन्। बैठकमा जनतासँग सम्बन्धित मुद्दा तथा संसद र विधानसभा बैठकमा उठाइने विषयबारे छलफल हुनेछ। त्यसपछि राज्य सरकारका मन्त्रीहरूसँग बैठक गर्ने कार्यक्रम छ। साँझ प्रदेश कोर समूहको बैठकमा संगठनसँग सम्बन्धित विषयमा छलफल गरिनेछ।

राति ८ बजी नितिन नवीनले पश्चिम बंगालका प्रमुख नागरिक, बुद्धिजीवी तथा सांस्कृतिक क्षेत्रसँग सम्बन्धित व्यक्तिहरूसँग भेटघाट गर्नेछन्।

२८ सेप्टेम्बरमा उनी पानीहाटीको सोदपुर स्थित लोक संस्कृति भवनमा ‘सेवा संकल्प अभियान’ अन्तर्गत आयोजित ‘आँगन मिलन’ कार्यक्रममा सहभागी हुनेछन्। त्यहाँ उनले सेवा कार्यकर्ता तथा स्थानीय बासिन्दासँग संवाद गर्नेछन्।

त्यसपछि दिउँसो १२ः३० बजी नितिन नवीनले ‘युवा संवाद सम्मेलन’मा युवाहरूलाई सम्बोधन गर्नेछन्। सम्मेलनमा पश्चिम बंगालको विकास तथा युवासँग सम्बन्धित विषयमा छलफल गरिनेछ।

हिन्दुस्थान समाचार / भवानी थामी