कोलकाता, 27 सेप्टेम्बर (हि.स.)। पश्चिम बङ्गालका मुख्यमन्त्री शुभेन्दु अधिकारीले विश्व हिन्दू परिषद्का पूर्व अध्यक्ष अशोक सिङ्घललाई उनको जन्मजयन्तीमा श्रद्धाञ्जली अर्पण गरे। मुख्यमन्त्रीले आइतवार बिहान सामाजिक सञ्जाल पोस्ट मार्फत अशोक सिङ्घललाई स्मरण गर्दै श्रद्धाञ्जली अर्पण गरे।

आफ्नो सन्देशमा शुभेन्दु अधिकारीले अशोक सिङ्घललाई राष्ट्रवादी र सनातन संस्कृतिका प्रवर्तक बताउँदै उनलाई श्रद्धाञ्जली अर्पण गरे। उनले लेखे, 'विश्व हिन्दू परिषद्का पूर्व कार्यकारी अध्यक्ष, हिन्दू हृदय सम्राट, राष्ट्रवादी, सनातन संस्कृतिका प्रवर्तक, परम पूज्य अशोक सिङ्घलजीलाई उनको जन्मजयन्तीमा श्रद्धाञ्जली

अशोक सिङ्घलको जन्म 27 सेप्टेम्बर, 1926 मा आगरामा भएको थियो। उनी राष्ट्रिय स्वयंसेवक सङ्घसँग आवद्ध थिए भने पछि विश्व हिन्दू परिषदमा महत्त्वपूर्ण जिम्मेवारी सम्हालेका थिए। उनी अयोध्या राम जन्मभूमि आन्दोलनसँग पनि प्रमुख रूपमा जोडिएका थिए। उनको 89 वर्षको उमेरमा 17 नोभेम्बर, 2015 मा निधन भएको थियो।

यस वर्ष अशोक सिङ्घलको जन्म शताब्दीको अवसरमा विश्व हिन्दू परिषद्ले देश-विदेशमा वर्षैभरि कार्यक्रमहरू आयोजना गर्ने घोषणा गरेको छ।

हिन्दुस्थान समाचार / उष्णता छेत्री शर्मा