नयाँ दिल्ली, २७ सेप्टेम्बर (हि.स.)। केन्द्रिय मत्स्यपालन, पशुपालन तथा दुग्ध र पञ्चायती राजमन्त्री राजीव रञ्जन सिंह उर्फ ललन सिंहले सोमवार, २८ सेप्टेम्बरमा नयाँ दिल्लीमा पशुपालन तथा दुग्ध विभागको ‘पशुधन बीमा पोर्टल’ शुभारम्भ गर्नेछन्। यो पोर्टल देशमा पशुधन बीमा सेवाको डिजिटल रूपान्तरणतर्फ महत्वपूर्ण कदम हुने बताइएको छ।
विभागले जारी गरेको विज्ञप्ति अनुसार, यो पोर्टल मार्फत पशुपालन तथा दुग्ध विभागको पशुधन बीमा योजना अन्तर्गत बीमित पशुसँग सम्बन्धित सबै प्रक्रिया—बीमा पत्र जारी गर्ने, दाबी प्रक्रिया अघि बढ़ाउने, अनुगमन तथा रिपोर्ट तयार गर्ने कार्यलाई सहज बनाउन एकीकृत डिजिटल मञ्च उपलब्ध हुनेछ।
यसलाई बढ़ीभन्दा बढ़ी मानिससम्म पुर्याउन तथा प्रयोगमा सहज बनाउन पोर्टल हिन्दी र अंग्रेजी बाहेक ११ क्षेत्रीय भाषामा समेत उपलब्ध हुनेछ। यसबाट पशुपालकले आफूले सहज रूपमा बुझ्ने भाषामा जानकारी तथा सेवा प्राप्त गर्न सक्नेछन्।
यस पहलको उद्देश्य पशुधन बीमा सेवामा पारदर्शिता, कार्यक्षमता र पहुँच बढ़ाउँदै टेक्नोलोजीमाथि आधारित सेवा उपलब्ध गराउनु रहेको छ। साथै पशुपालकलाई जोखिमबाट सुरक्षा प्रदान गर्नुका साथै उनीहरूको जीविकोपार्जनमा स्थिरता कायम गर्न सहयोग पुर्याउने लक्ष्य राखिएको छ।
पोर्टलले पशुधन बीमा कार्यक्रमबीच राम्रो समन्वय, तत्काल अनुगमन तथा तथ्यांकमा आधारित व्यवस्थापनमा समेत सहयोग गर्नेछ। यसबाट देशभरि सेवा प्रवाहमा सुधार आउने अपेक्षा गरिएको छ।
पशुधन बीमा प्रक्रियालाई सहज बनाउने, संस्थागत कार्यक्षमता सुदृढ़ गर्ने तथा समावेशी र प्रविधिमा आधारित सेवाहरू पशुपालकको पहुँचसम्म पुर्याउने दिशामा यो शुभारम्भ महत्वपूर्ण कदम हुने विभागले जनाएको छ।
/ बिशाल
