नयाँ दिल्ली, २९ सेप्टेम्बर (हि.स.)। प्रवर्तन निदेशालय (ईडी), कोलकाताले मासआर्ट (महानिर्वाण रोड मास आर्ट) सोसाइटीद्वारा दुर्गा पूजाको ‘प्रिभ्यू शो’ आयोजना गर्ने क्रममा भएको कथित वित्तीय अनियमिततासँग सम्बन्धित मामिलामा मंगलबार कोलकाताका १५ स्थानमा तलासी तथा जफतीको कारबाही शुरु गरेको छ। यो कारबाही धन शोधन निवारण अधिनियम (पीएमएलए), २००२ को धारा १७ अन्तर्गत भइरहेको छ।

ईडीका अनुसार, मासआर्ट सोसाइटीले कथित रूपमा आफूलाई युनेस्को प्रायोजित संस्था भएको बताउँदै सर्वसाधारणबाट ठूलो रकम संकलन गरेको थियो। जाँच एजेन्सीले संकलित रकम व्यक्तिगत लाभका लागि प्रयोग गरिएको आरोप लगाएको छ।

कारबाहीको दायरामा पूर्वमन्त्री इन्द्रनील सेन तथा उनका निकट सहयोगीहरूसहित विभिन्न व्यक्ति र संस्थासँग सम्बन्धित ठेगानाहरू समावेश छन्। ईडीले यस मामिलामा थप जॉंच गरिरहेको छ।

/ बिशाल