तमुलपुर (असम), 29 सेप्टेम्बर (हि.स.)। राष्ट्रव्यापी रूपमा चलिरहेको 'सेवा सङ्कल्प अभियान' अन्तर्गत तमुलपुर जिल्ला प्रशासनको पहलमा मङ्गलवार जिल्लाका विभिन्न स्थानहरूमा दुई दिवसीय सड़क नाटक कार्यक्रम शुरु भएको छ। कार्यक्रमको उद्देश्य सामाजिक चेतना बढाउनु र सड़क नाटक मार्फत आम जनतामा सेवा, सामाजिक उत्तरदायित्व एवं जनकल्याणको सन्देश फैलाउनु हो।
जिल्ला प्रशासन अनुसार मङ्गलवार बगानपाड़ा चोक, दारङ्गाजुली-बागाजुली चोक, शुक्लाई चोक र गोरेश्वर रेलवे गेट तिनिआलीमा सड़क नाटक प्रस्तुत गरियो भने बुधबार ढेपर गाउँ चोक, नागरिजुली बजार, कदमतला चोक र माटङ्गा चोकमा पनि यस्तै कार्यक्रम आयोजना गरिनेछ।
मङ्गलवार कुमारिकाटाको गणेशगुडीमा 'अख्राङ्ग द स्काई' रङ्गमञ्च समूहले पनि सड़क नाटक प्रस्तुत गरेको थियो। टोलीले जिल्लाका चार वटा ठाउँमा बोडो भाषामा नाटकको माध्यमबाट 'सेवा सङ्कल्प अभियान' को सन्देशलाई मानिसहरूसम्म पुऱ्यायो।
गणेशगुड़ीमा आयोजित कार्यक्रममा जिल्ला संयोजक जमेरानी स्वर्गियारी, तमुलपुर जिल्ला भाजपाका सदस्य सोमनाथ बासुमतारी, दारङ्गाजुली मण्डल भाजपाका अध्यक्ष रिदिप दास, महासचिव विशाल बासनेट र उपाध्यक्ष कृष्ण मुसहरी सहित अन्य गण्यमान्य व्यक्तिहरू उपस्थित थिए।
उल्लेख्य, प्रधानमन्त्री नरेन्द्र मोदीको सार्वजनिक जीवनको 25 वर्ष पूरा भएको अवसरसित सम्बन्धित 'सेवा सङ्कल्प अभियान' अन्तर्गत देशभरि नै विभिन्न कार्यक्रम आयोजना भइरहेको छ। अभियानको माध्यमबाट सेवा, सामाजिक उत्तरदायित्व र जनकल्याणको सन्देश फैलाउन सचेतनामूलक कार्यक्रमहरू आयोजना गरिँदैँछ।
तमुलपुर जिल्लामा बुधबार जिल्लाका अन्य चार वटा स्थानमा 'उद्दीपन तमुलपुर' नाट्य समूहले असमिया भाषामा सड़क नाटक प्रदर्शन गर्ने भएको छ।
हिन्दुस्थान समाचार / उष्णता छेत्री शर्मा
