देहरादून, 29 सेप्टेम्बर (हि.स.)। उत्तराखण्ड स्पेशल टास्क फोर्स (एसटीएफ)- ले 55.50 लाख रुपियाँको साइबर ठगीको मामिलामा पञ्जाबको फाजिल्काबाट एकजना अभियुक्तलाई पक्राउ गरेको छ। पुलिस अनुसार ठगिएको रकममध्ये 6 लाख रुपियाँ अभियुक्तको ब्याङ्क खातामा जम्मा भएको थियो। उसको खाताविरूद्ध साइबर अपराधसँग सम्बन्धित अन्य 6 वटा सिकायतहरू पनि दर्ता गरिएको पाइएको छ।

एसटीएफले बताए मुताविक पण्डितवाडी, देहरादूनका बासिन्दा चुन्नी लाल अग्निहोत्रीले साइबर क्राइम पुलिस स्टेशन देहरादूनमा सिकायत दर्ता गराएका थिए कि उनलाई साइबर ठगहरूले एसबीएसबीएल कम्युनिटी/भीआईपी कम्युनिटी नामक ह्वाट्सएप समूहमा जोड़े। अभियुक्तले आफूलाई सेबी पञ्जीकृत सल्लाहकार बताउँदै जाली ट्रेडिङ्ग क्लासेज, डीमेट अकाउन्ट र नक्कली सीडीएसएल/एनएसडीएल दस्तावेज देखाएर विश्वासमा लियो। त्यसपछि विभिन्न ब्याङ्क खातामा मोठ 55.50 लाख रुपियाँ जमा गराएर कथित रूपमा ठगियो।

अनुसन्धानका क्रममा ठगेको पैसाको मनी ट्ञ्जारेल अनि तकनिकी प्रमाणको आधारमा पञ्जाब निवासी सुखवीर सिंह उपनाम सुक्कू (26) संलग्न रहेको थाहा लाग्यो। पुलिस अनुसार उजुरीकर्ताबाट ठगी गरिएको रकममध्ये 6 लाख रुपियाँ अभियुक्तको खातामा जमा भएको थियो। त्यसपछि एसटीएफ टोलीले पञ्जाबको फाजिल्का क्षेत्रमा छापा मारेर सुखवीर सिंहलाई पक्राउ गऱ्यो।

एसटीएफका एसएसपी अजय सिंहले मानिसहरूलाई अपील गरेका छन्, लगानीको नाममा अधिक लाभ पाउने प्रलोभन दिने संदिग्ध प्रस्तावहरूबाट होशियार बसौं तथा कुनै पनि अज्ञात व्यक्तिसँग ब्याङ्क खाता, ओटीपी वा अन्य ब्याङ्किङ्ग जानकारी साझा नगरौं। साइबर धोखाधडी भए तुरुन्तै सम्बन्धित निकायमा सिकायत दर्ता गरौं।

हिन्दुस्थान समाचार / उष्णता छेत्री शर्मा