पश्चिम मेदिनीपुर, 03 सेप्टेम्बर (हि.स.)। जिल्लाको केशियाड़ी थाना क्षेत्रस्थित कुसुमपुरमा तालाउमा डुबेका एकजना युवकको शव बिहीवार अपरान्ह गोताखोरहरूको दलले भेट्यो। बिहीवार सवेरै कुसुमपुर क्षेत्रमा एकजना व्यक्ति तलाउनमा डुबेको स्थानीय मानिसहरूले देखेका थिए। बिहान लगभग 4 बजे तलाउबाट चिच्याएको आवाज सुनेर स्थानीय मानिसहरू घटनास्थलमा पुगेका थिए। उनीहरूको आँखाको अगाड़ि नै उक्त व्यक्ति पानीमा डुबेका थिए। त्यसपछि घटनाको सूचना केशियाड़ी थानालाई दिइयो।

सूचना पाएर केशियाड़ी थानाको पुलिस घटनास्थलमा पुग्यो। ब्लक प्रशासनको सहयोगमा गोताखोरहरूको दललाई तलाउमा उतारेर खोजी कार्य शुरू गरियो। लामो समयसम्म चलेको अभियानमा गोताखोरहरूले तलाउबाट एकजना युवकको शवलाई बाहिर निकाले।

पुलिसले शवलाई आफ्नो कब्जामा लिएर पोस्टमर्टम गर्नको लागि पठाउने प्रक्रिया शुरू गरेको छ। मृतकको पहिचान र कुन परिस्थितिमा तलाउमा डुब्यो, यसको जानकारी जुटाइँदैछ। केशियाड़ी थानाको पुलिसले सम्पूर्ण मामिलाको जाँच गरिरहेको छ।

हिन्दुस्थान समाचार / उष्णता छेत्री शर्मा