फतेहपुर, 03 सेप्टेम्बर (हि.स.)। उत्तर प्रदेशको फतेहपुर जिल्लाको औङ पुलिस थाना क्षेत्र अन्तर्गत बिकमपुर गाउँमा हिजो राति पवन (40) ले तरवारले सुसराली पक्षमाथि आक्रमण गरेर पाँच जनालाई घाइते बनाएरपछि ससुराली पक्षले युवकको कुटेरै हत्या गऱ्यो।
यसअघि पवनको आक्रमणमा सालो राजेश, सरहाज बुद्ध र तीन भतिजा प्रदीप, राजकरण, गोर गम्भीर घाइते भएका थिए।
उनीहरूलाई गम्भीर अवस्थामा फतेहपुर मेडिकल कलेजमा भर्ती गरियो, जहाँबाट कानपुरको अस्पतालमा रेफर गरिएको छ। घटना हुनुअघि मृतकले आफ्नो भतिजाका लागि केटी हेर्ने बहानामा आफ्नो सालो राजुलाई बाहिर लगेर बेपत्ता बनाएको आरोप छ। परिवारका सदस्यहरूले हत्याको आशंका व्य़क्त गरेका छन्।
गाउँलेहरूले भने कि पवन तरवार लिएर आफ्नो ससुराली घरमा पुगेका थिए। राति सुतिरहेको बेला परिवारका सदस्यमाथि आक्रमण गरे। पवनको हातमा तरवार र रगतले भिजेका आफन्तहरू देखेर परिवारका अन्य सदस्यहरूको रिस भड्कियो। उनीहरूले पवनलाई समातेर कुटपिट गर्न थाले, जसले गर्दा उनको घटनास्थलमै मृत्यु भयो।
घटनाको खबर पाएपछि क्षेत्राधिकारी सुशील कुमार दुबे र औङ थानाध्यक्ष दिनेश कुमार शुक्ला सहित पुलिस बल तत्काल घटनास्थलमा पुग्यो। पुलिसले शवलाई कब्जामा लिएर घटनाको जाँचमा जुटेको छ।
घाइतेहरूलाई मेडिकल कलेजमा लगियो, क्षेत्राधिकारी सुशील कुमार दुबेले भने। घटनास्थलमा भारी पुलिस बल तैनाथ गरिएको छ। बेपत्ता सालोको खोजी भइरहेको छ।
हिन्दुस्थान समाचार / भवानी थामी
