सुरत, 30 सेप्टेम्बर (हि.स.)। अहमदाबाद-वडोदरा एक्सप्रेसवेमा आनन्द र नाडियादको बीच बुधवार सवेरै साई दर्शन ट्राभल्सको बस ट्रकसँग ठोक्किँदा दुर्घटना भयो। बसमा सवार पाँच जनाको मृत्यु भएको छ भने अन्य पाँच जना घाइते भएका छन्। दुर्घटना यति गम्भीर थियो कि बसको अगाड़ीको भागमा गम्भीर क्षति पुग्यो। दुर्घटनापछि व्यापक खैलाबैला मच्चियो।

पुलिस अनुसार, साई दर्शन ट्राभल्सको निजी लक्जरी बस सुरतबाट राजस्थान गइरहेको थियो। बुधवार बिहान ३:३० देखि ४:०० बजीबीच आनन्दबाट नडियाद जाँदै गर्दा बस ट्रकसँग ठोक्कियो। दुर्घटनाको समय अधिकांश यात्रु सुतिरहेका थिए। अचानक भएको विस्फोटले यात्रुहरूमा त्रास फैलियो र धेरैजना बसभित्रै फसे।

दुर्घटनाको जानकारी पाएपछि स्थानीयहरू घटनास्थलमा पुगेर उद्धार कार्य शुरु गरे। पुलिस र १०८ एम्बुलेन्सलाई जानकारी गराइयो। स्थानीयको सहयोगमा पुलिसले बसमा फसेका यात्रुहरूलाई उद्धार गऱ्यो। घाइतेहरूलाई तुरुन्तै नजिकैको अस्पताल लगियो, जहाँ उनीहरूको उपचार भइरहेको छ। पंचनामा प्रक्रियापछि मृतकहरूको शव पोस्टमार्टमको लागि पठाइयो।

घाइते सुरतका निवासी धनेश जाधवले आफू सुरतबाट बस चढ़ेको बताए। उनले बिहान अचानक ठूलो विस्फोट भएको बताए। त्यतिबेला लगभग सबै यात्रुहरू सुतिरहेका थिए। दुर्घटनापछि बस भित्र र वरपर चिच्याहट र कोलाहल मच्चियो।

मृतकका आफन्त निमेशभाईले आफू राति ९ बजीतिर सुरतबाट बस चढ़ेको बताए। बिहान लगभग ३:१५ बजी दुर्घटनाको जानकारी पाए। उनले दुर्घटनामा आफ्नो ज्वाईको मृत्यु भएको बताए। परिवारले सरकारसँग आर्थिक सहयोगको लागि अनुरोध गरेको छ।

दुर्घटनाको जानकारी पाएलगत्तै आनन्द ग्रामीण पुलिसले घटनास्थलमा पुगेर अनुसन्धान शुरु गऱ्यो। पुलिसले दुर्घटनाको कारणको अनुसन्धान गरिरहेको छ र मृतक र घाइतेहरूको पहिचान पुष्टि गरिरहेको छ। दुर्घटनाका कारण एक्सप्रेसवेमा यातायात केही समय प्रभावित भयो। पुलिसले सड़कबाट सवारी साधनहरू हटाएर सामान्य यातायात पुनर्स्थापित गरेको छ। यस विषयमा थप कानूनी कारबाही भइरहेको छ।

हिन्दुस्थान समाचार / भवानी थामी