नयाँ दिल्ली, ०४ सेप्टेम्बर (हि.स.)। अल इन्डिया आयुष पोस्ट ग्रेजुएट प्रवेश परीक्षा २०२६ मा सहभागी भएका परीक्षार्थीहरूका लागि महत्वपूर्ण सूचना आएको छ। राष्ट्रिय परीक्षा एजेन्सी (एनटीए) ले परीक्षाको प्रारम्भिक आंकर की सार्वजनिक गरेको छ। परीक्षार्थीहरूले अब आफ्नो उत्तरसँग मिलाउन सक्नेछन्। कुनै उत्तरप्रति आपत्ति भएमा अनलाइनमार्फत चुनौती दर्ता गर्न सकिनेछ।
एनटीएको तालिकाअनुसार, उत्तरमाथि आपत्ति दर्ता गर्ने प्रक्रिया सेप्टेम्बर ३ देखि शुरु भइसकेको छ र ५ सेप्टेम्बर, २०२६ को राति ११:५९ बजीसम्म जारी रहनेछ। परीक्षार्थीहरूले निर्धारित समयभित्रै आफ्नो आपत्ति दर्ता गराउनुपर्नेछ। प्रत्येक प्रश्नमा आपत्ति जनाउन २०० रुपियाँ शुल्क तिर्नुपर्नेछ। चुनौती शुल्कसमेत सेप्टेम्बर ५ को राति ११:५९ बजीसम्म अनिवार्य रूपमा बुझाउनुपर्नेछ। निर्धारित समयपछि कुनै पनि चुनौती स्वीकार गरिने छैन।
परीक्षार्थीहरूले अल इन्डिया आयुष पोस्ट ग्रेजुएट प्रवेश परीक्षाको आधिकारिक पोर्टलमार्फत प्रारम्भिक आंसर की हेर्न तथा अनलाइन आपत्ति दर्ता गर्न सक्नेछन्। आपत्ति दर्ता गर्दा सम्बन्धित प्रश्न र त्यसको उत्तरबारे आफ्नो दाबीको समर्थनमा आवश्यक प्रमाण वा जानकारी उपलब्ध गराउनुपर्नेछ।
प्रारम्भिक आंसरमाथि परीक्षार्थीहरूबाट प्राप्त चुनौतीको समीक्षा सम्बन्धित विषयका विशेषज्ञहरूले गर्नेछन्। समीक्षा प्रक्रिया पूरा भएपछि एनटीएले अन्तिम आंसर की सार्वजनिक गर्नेछ। सोही आधारमा अल इन्डिया आयुष पोस्ट ग्रेजुएट प्रवेश परीक्षा २०२६ को नतिजा तयार गरिनेछ।
शिक्षा विभागले परीक्षार्थीहरूलाई आधिकारिक पोर्टलमा लगइन गरी आफ्नो आंसर की अनिवार्य रूपमा जाँच गर्न तथा कुनै उत्तरप्रति आपत्ति भए निर्धारित समयसीमाभित्रै चुनौती दर्ता गर्न सुझाउ दिएको छ।
हिन्दुस्थान समाचार / भवानी थामी
