शिमला, 0४ सेप्टेम्बर (हि.स.)। शिमला जिल्लाको चौपाल थाना क्षेत्रबाट पुलिसले १४ ग्राम हेरोइन जफत गरेको घटनामा चार युवकलाई पक्राउ गरेको छ। यस सम्बन्धमा चौपाल थानामा एनडीपीएस एक्टको धारा २१ र २९ अन्तर्गत मुद्दा दर्ता गरिएको छ।
पुलिस अनुसार, 03 सेप्टेम्बरमा एएसआई जगदीश सिंह पुलिस टोली सहित खिड्की क्षेत्रतर्फ गस्तीमा थिए। साँझपख पुलिस टोलीले खिड्कीमा एउटा अल्टो कारलाई रोकेर जाँच गरेको थियो। कारको तलासी लिने क्रममा १४ ग्राम हेरोइन जफत भयो।
पुलिस अनुसार, जफत गरिएको हेरोइन कारमा सवार चार जनाको कब्जाबाट फेला परेको हो। पक्रा पर्नेहरूमा चौपालको गोरली मडावग निवासी २६ वर्षीय अनिकेत ब्रागटा, मडावग निवासी ३१ वर्षीय सञ्जीव, चौपाल मडावग निवासी २४ वर्षीय अक्षय ठाकुर तथा नेपाल निवासी २४ वर्षीय विनोद सिंह रहेका छन्।
पुलिसका एक अधिकारीले शुक्रवार बताए, रिकवरीको समय चारै जना उक्त सवारीसाधनमा सवार थिए। उनीहरूलाई एनडीपीएस एक्ट अन्तर्गत दर्ता गरिएको मुद्दामा पक्राउ गरिएको छ। पुलिसले घटनाको थप अनुसन्धान गरिरहेको छ। जफत पदार्थ तथा सवारीसाधनलाई अनुसन्धानको दायरामा राखिएको छ।
हिन्दुस्थान समाचार / भवानी थामी
