- पुलिसले पछ्याएर वाहनलाई रोक्यो, एनडीपीएस एक्ट अन्तर्गत मुद्दा दर्ता

फरिदकोट, 06 सेप्टेम्बर (हि.स.)। नशा तस्करी विरोधी अभियान अन्तर्गत फरिदकोट पुलिसको सीआईए स्टाफले 4 किलो 29 ग्राम हेरोइनसितै चार जना युवकहरूलाई पक्राउ गरेको छ

सीआईए स्टाफ प्रभारी हाकम सिंहको अगुवाईमा पुलिस टीमले गस्ती तथा संदिग्ध वाहनहरूको जाँच गरिरहेको थियो। यसै अवधि अबेर साँझ पुलिस टीम कोटकपुरा-मुक्तसर रोडस्थित गाउँ खाराको छेउमा पुग्यो। यहाँको एउटा बन्द अवस्थामा रहेको पेट्रोल पम्पको जर्जर भवन निकट एउटा ब्रेजा कारलाई राखेको देखियो। कार वरिपरी चार जना युवकहरू थिए। पुलिसलाई आफूहरू नजिक आएको देखेर युवकहरूले त्यहाँबाट भाग्ने प्रयास गरे।

पुलिसले उनीहरूको गतिविधिमाथि शङ्का लागेपछि तत्काल वाहनलाई रोकेर जाँच गऱ्यो जसमा पुलिसलाई 4 किलो 29 ग्राम हेरोइन फेला पऱ्यो। पुलिसले घटनास्थलबाटै मुक्तसर जिल्लाको गाउँ हरिके कलाँ निवासी सन्दीप सिंह उपनाम सिपा, फरिदकोटको गाउँ खारा निवासी मनवीर सिंह उपनाम हनी, कोटकपुराको अमन नगर निवासी प्रवेश औ नानक नगरी निवासी वासु बिरलालाई हिरासतमा लियो।

पुलिसले सबैविरूद्ध थाना सदर कोटकपुरामा एनडीपीएस एक्ट अन्तर्गत मामिला दर्ता गरेको छ। आरोपीहरूसित जाँचबुझ गरी नशाको खेपसित सम्बन्धित अन्य जानकारीहरू जुटाउने प्रयास गरिँदैछ।

हिन्दुस्थान समाचार / उष्णता छेत्री शर्मा