मुर्शिदाबाद, 29 अप्रेल (हि.स.)। मुर्शिदाबादमा आगामी 7 मईमा लोकसभा चुनाउ हुनेछ। यसपूर्व बितेको 24 घण्टाभित्रमा बहरमपुर लोकसभा क्षेत्रमा दुईपटक बम विस्फोट भइसकेको छ। रेजिनगर पश्चात अब बेलडांगामा पनि बम विस्फोटले सम्पूर्ण क्षेत्रलाई हल्लाएको छ। सोमवार बिहान लगभग 8:30 बजे बेलडांगाको झुमका माझपाड़ा क्षेत्रमा एक सुनसान ठाउँमा यो विस्फोट भयो।
ज्ञात रहोस्, विस्फोट एउटा घरको छेवैमा मैला-कुचैलाको थुप्रोमा भएको हो। यसको तीव्रताले गर्दा नजिकैको घरको भान्सा घरको टाइल्स क्षतिग्रस्त भयो। आरोप छ, घरको छत र भित्ता पनि क्षतिग्रस्त भएको छ। त्यस ठाउँमा बमका टुक्राहरू छरिएको भेटियो। सूचना पाएर घटनास्थलमा पुगेको पुलिसले घटनाको जाँच गरिरहेको छ।
उल्लेखनीय छ, हाईकोर्टले मुर्शिदाबादमा भएको बम ब्लास्टको घटनालाई केन्द्र गर्दै चुनाउ स्थगित गर्ने चेताउनी दिएको थियो।
हिन्दुस्थान समाचार/उष्णता