भोपाल, 30 अप्रे (हि.स.)। रक्षा मन्त्री राजनाथ सिंहले मंगलवार मध्य प्रदेश प्रवासमा खण्डवा जिल्लाको मान्धातामा भाजपा उम्मेदवार ज्ञानेश्वर पाटिलको समर्थनमा चुनावी सभालाई सम्बोधित गर्दै अयोध्यामा राम मन्दिरको निर्माणपछि अब देशमा राम राज्य छ भनेका छऩ्। उनले भाजपाको लोकप्रियताको कुरा गर्दै सूरतमा निर्विरोध जितको साथ इन्दौर सीटमा कांग्रेस उम्मेदवार चुनावी मैदानबाट हटेको उल्लेख पनि गरे। उनले भने, कांग्रेस यस्तो डुब्दै गरेको जहाज हो, जसको फेदमा प्वाल छ। यस जहाजलाई कसैले डुब्नदेखि बचाउन सक्दैन।
राजनाथ सिंहले भने, प्रधानमन्त्री मोदीको सरकारले गत 10 वर्षमा जुन काम गरेको छ, देश जनता त्यससित परिचित छन्। आज जब भारतले जेपनि भन्छ, संसारले कान खोलेर सुन्छ। तपाई सबैलाई थाहा छ, भारतीय जनता पार्टी (भाजपा) आज विश्वको सबैभन्दा ठूलो पार्टी हो। भाई-बहिनीहरू मलाई लाग्छ, कांग्रेस पनि डायनासोर सरह लुप्त हुनेछ।
उनले एक पल्ट फेरि एक देश एक चुनाउ गराउने कुरा दोहोराए। उनले भने, विधानसभा र लोकसभाको अलग-अलग चुनाउको क्रम अब बन्द हुनुपर्छ। यो चुनाउ पाँच वर्षमा एक पल्ट एकसाथ हुनुपर्छ। म तपाईलाई विश्वास दिलाउँछ, आगामी पल्ट लोकसभा र विधानसभाको चुनाउ एकसाथ हुनेछ। यसको निम्ति जेपनि संशोधन गर्ने आवश्यकता पर्नेछ, हामी गर्नेछौं। खण्डवा र खरगोन-बड़वानी लोकसभा सीटको निम्ति चौथो चरणमा 13 मईमा मतदान हुनेछ।
हिन्दुस्थान समाचार/भवानी