पेरिस, 05 सेप्टेम्बर (हि.स.)। पेरिस प्यारालम्पिक 2024 मा भारतको उत्कृष्ट प्रदर्शन लगातार जारी छ। पेरिस प्यारालम्पिकमा बुधवार आर्चर हरविन्दर सिंहले पुरुष रिकर्वको फाइनलमा स्वर्ण पदक जितेर इतिहास रचेका छन्। यसका साथै अब पेरिस प्यारालम्पिकमा भारतको 22 पदक पुगेको छ। यसमा चार स्वर्ण, आठ रजत र 10 कांस्य सामेल छन्। प्यारालम्पिकको पदक तालिकामा अब भारत 15औं स्थानमा पुगेको छ।

हरविन्दरले फाइनलमा पोल्याण्डको लुकास सिसजेकलाई 6-0 ले हराएर स्वर्ण पदक जिते। आर्चेरीमा यो भारतको पहिलो प्यारालम्पिक स्वर्ण पदक हो। प्यारालम्पिकमा हरविन्दर सिंहको यो दोस्रो मेडल हो। यस अघि उनले 2020 प्यारालम्पिकमा रजत पदक जितेको थियो। पेरिस ओलम्पिक र प्यारालम्पिकमा भारतको आर्चेरीमा यो पहिलो मेडल हो। अहिलेसम्म प्यारालम्पिकमा भारतले आर्चेरीका साथै शूटिङ, एथलेटिक्स र ब्याडमिन्टनमा गोल्ड मेडल जितेको छ।

हिन्दुस्थान समाचार / भवानी थामी