नयॉं दिल्ली, 05 सेप्टेम्बर (हि.स.)। प्रधानमन्त्री नरेन्द्र मोदीले आज पूर्व राष्ट्रपति डा. सर्वपल्ली राधाकृष्णनलाई उनको जयन्तीमा श्रद्धाञ्जलि अर्पित गरे। साथै शिक्षकहरूप्रति आभार व्यक्त गरेका छन्।

उल्लेखनीय छ, डा. राधाकृष्णनको जयन्तीमा हरेक साल देशमा शिक्षक दिवस मनाइन्छ। प्रधानमन्त्री नरेन्द्र मोदीले बिहान एक्स ह्यान्डलमा लेखेका छन्, 'शिक्षक दिवसमा शुभकामना। आज युवा मस्तिष्कलाई आकार दिने सबै शिक्षकहरूप्रति आभार व्यक्त गर्ने अवसर हो। डा. राधाकृष्णनलाई उनको जयन्तीमा श्रद्धाञ्जलि।'

देशकी राष्ट्रपति द्रौपदी मुर्मूले पनि शिक्षक दिवसको पूर्व सन्ध्यामा देशभरिका शिक्षकहरूलाई शुभकामना दिएकी छन्। राष्ट्रपतिले आफ्नो सन्देशमा भनेकी छन्, 'यो महान शिक्षाविद्, दार्शनिक र पूर्व राष्ट्रपति डा. सर्वपल्ली राधाकृष्णनको जयन्तीको दिन हो। यो दिन सम्पूर्ण देशको निम्ति प्रेरणाको महान स्रोत हो।' राष्ट्रपतिले डा. राधाकृष्णनलाई श्रद्धाञ्जलि अर्पित गरेकी छन्।

हिन्दुस्थान समाचार / भवानी थामी