गान्तोक, 21 अक्टूबर (हि.स.)‌।सिक्किमका प्रसिद्ध “म्याराथन म्यान” अमर सुब्बा र उनको संस्था एएमएएसका विद्यार्थीहरूले 20 अक्टोबर, २०25 का दिन दार्जिलिङमा आयोजित “श्रद्धाञ्जली तथा मानवता दौड” मा सहभागिता जनाउँदै उल्लेखनीय योगदान दिएका छन्। यो दौड सुकना, सिलगढ़ीदेखि घुम-जोरबङ्गलो, दार्जिलिङसम्म आयोजना गरिएको थियो, जसको संयोजन युनाइटेड हिमालयन अर्गनाइजेशनले गरेको हो।

यस कार्यक्रमको उद्देश्य 4 अक्टोबर, २०२५ मा दार्जिलिङ र वरपरका क्षेत्रमा आएको विनाशकारी बाढीका कारण ज्यान गुमाएका मानिसहरू र तिनका शोकसन्तप्त परिवारप्रति श्रद्धाञ्जली अर्पण गर्नु थियो।

समर्पण र धैर्यका माध्यमबाट असंख्य युवालाई प्रेरित गर्दै आएका अमर सुब्बाले समाजमा सचेतना फैलाउने माध्यमका रूपमा दौडप्रतिको आफ्नो उत्साहलाई निरन्तर प्रयोग गरिरहेका छन्। यो कार्यक्रममा विद्यार्थीहरूसहित उनको सहभागिताले दार्जिलिङका जनताप्रति समर्थन र एकताको गहिरो सन्देश प्रकट गरेको बताइएको छ।

---------------

हिन्दुस्थान समाचार / बिशाल