नयाँ दिल्ली, 10 दिसम्बर (हि.स.)। भारतीय जनता पार्टी (भाजपा)- की नयाँ दिल्ली सांसद बाँसुरी स्वराजले बुधवार आरके पुरम विधानसभा क्षेत्रमा सुरक्षा गार्डहरूलाई इलेक्ट्रिक हिटर वितरण गरिन्। यस कार्यक्रमको आयोजन विधायक अनिल शर्माले गरेका हुन्।

यस अवसरमा सांसद बाँसुरी स्वराजले भनिन्, यो पहल ती सुरक्षा कर्मीहरूप्रति हाम्रो सम्मानको प्रतीक हो जसले दिन-रात हाम्रो कलनीहरूको सुरक्षा सुनिश्चित गर्दछन्।

बाँसुरी स्वराजले भनिन्, यो पहल मुख्यमन्त्री रेखा गुप्ता अनि पर्यावरण मन्त्री मनजिन्दर सिंह सिरसाद्वारा शुरू गरिएको त्यस महत्वपूर्ण अभियानको एक भाग हो जसान्तर्गत सम्पूर्ण दिल्लीमा रेजिडेन्ट वेलफेयर एसोसिएशन (आरडब्ल्यूए)- का सुरक्षा कर्मीहरूलाई इलेक्ट्रिक हिटर प्रदान गरिँदैछ।

उनले भनिन्, इलेक्ट्रिक हिटरबाट गार्डहरूलाई कठ्याङ्ग्रिने जाड़ोमा राहत मात्र प्राप्त हुँदैन जबकि खुल्ला ठाउँमा आगो बाल्ने आवश्यकता पनि कम भएपछि वायु प्रदूषण घट्नेछ जुन पर्यावरणको लागि एक सकारात्मक कदम हो। उनले भनिन्, यस जनहितकारी पहलको सुचारू संचालनमा अधिकारीहरूले पूर्ण सहयोग प्रदान गरे।

कार्यक्रममा जिल्ला अध्यक्ष रविन्दर चौधरी र दिल्ली सरकारका अधिकारीहरू पनि उपस्थित थिए।

हिन्दुस्थान समाचार / उष्णता छेत्री शर्मा