बाँकुड़ा, 13 दिसम्बर (हि.स.)। बाँकुड़ाको बांकादह क्षेत्रमा खेतीको कामको लागि खेतमा गएका किसानको गए शुक्रवार अबेर राती हात्तीको हमलामा परी मृत्यु भयो। यस घटनापछि सम्पूर्ण क्षेत्रमा शोक व्याप्त भएको छ।

स्थानीय सूत्र अनुसार मृतकको नाम रामपद हेमब्रम हो जो कुरचिडांगा क्षेत्र निवासी थिए। उनको परिवारमा पत्नी र दुईजना छोराहरू छन्। गए शुक्रवार राती लगभग 12 बजे उनी आफ्नो खेतमा रोपिएको आलुलाई हेर्न गएका थिए। राती लगभग बांकादह रेञ्जको आमडहरा बटको बेलशुलिया क्षेत्रको आस्थाशोल वन क्षेत्रमा हात्तीको हमलामा उनको मृत्यु भयो।

जानकारी अनुसार 23 वटा हात्तीहरूको बथान बाँकुड़ाको सीमा पार गरेर मेदिनीपुरको जंगलमा प्रवेश गरिरहेको थियो। मेदिनीपुरको सीमादेखि मात्र आधा किलोमीटर टाड़ा केही हात्तीहरू अगाड़ि गए, तर 2-3 वटा हात्तीहरू पछि नै बसे। यस अवधि रामपद आफ्नो खेतमा थिए। अचानक पछिबाट एउटा हात्ती दौड़ेर आयो। अँध्यारो जंगलमा उनले भाग्ने अवसर पनि पाएनन्। हात्तीको खुट्टामुनि पुगे जसले गर्दा उनको घटनास्थलमै मृत्यु भयो।

दुर्घटनापछि आक्रमणकारी हात्ती सहित 15 वटा हात्ती मेदिनीपुरको जंगलमा पसे। तथापि 8 वटा हात्ती बांकादह रेञ्जको आस्थाशोल जंगलमै फर्किए। सम्पूर्ण स्थितिमाथि वन विभागले कड़ा निगरानी राखेको छ।

बांकादह रेञ्जकी वन अधिकारी सोनिया मजुमदारले बताइन्, रामपद हेमब्रम त्यसबेला जंगलमा किन गएका थिए अहिलेसम्म स्पष्ट भएको छैन। तिनी हात्ती हेर्न गएका थिए वा अन्य कामले जाँच भइरहेको छ। तथापि उनले स्पष्ट रूपमा भनिन्, हात्तीहरूको आवागमन हुँदा अत्यधिक भीड़ पनि यस प्रकारको दुर्घटनाको ठूलो कारण हो।

वन विभागले मृतकको परिवारसित सम्पर्क गरिरहेको छ। प्रशासनले सरकारी क्षतिपूर्ति र सबै सहायता दिने आश्वासन दिएको छ।

हिन्दुस्थान समाचार / उष्णता छेत्री शर्मा