कोलकाता, 21 अप्रेल (हि.स.)। पश्चिम बंगालका राज्यपाल डा. सीवी आनन्द बोसलाई सोमवार दिउँसो दक्षिण कोलकाता स्थित कमान्ड अस्पतालमा भर्ती गराइय़ो। नियमित चिकित्सकीय जाँचमा डाक्टरहरूले उनको मुटुमा ब्लकेज पाए, जसपछि उनलाई बिना समय गुमाई अस्पतालमा भर्ती गराइयो।

राजभवन सूत्रहरू अनुसार, सोमवार राज्यपाल आफ्नो नियमित स्वास्थ्य जाँचको निम्ति अस्पताल पुगेका थिए। जाँचमा चिकित्सकहरूले केही मुटु सम्बन्धी समस्याहरू पाए औं सावधानी अन्तर्गत तुरन्तै भर्ती गर्ने निर्णय लिए।

राज्यपाल अस्पतालमा भर्ती भएको खबर पाउनसाथ मुख्यमन्त्री ममता ब्यानर्जी कमान्ड अस्पताल पुगिन् औं उनको स्वास्थ्यबारे जानकारी हासिल गरिन्। अस्पताल बाहिर निस्केपछि मुख्यमन्त्रीले भनिन्, राज्यपालको स्वास्थ्यको जानकारी लिनु आएकी थिए। अब म मिदनापुर जानेछु। भोली कायक्रमहरूपछि कोलकाता फर्किनेछु।

उल्लेख्य, राज्यपाल बोस शनिवार राति मुर्शिदाबाद जिल्लाको दुई दिवसीय दौड़ाहबाट फर्केका थिए। यो क्षेत्र हालमा वक्फ (संशोधन) अधिनियम विरूद्ध हिंसक विरोध प्रदर्शनहरूको कारण अशान्त रहेको थियो।

मुर्शिदाबाद नजिक मालदा जिल्लामा पनि बनाइएको एक अस्थायी राहत शिविरको राज्यपालले दौड़ाह गरेका थिए, जहाँ दंगाहरूले विस्थापित मानिसहरूलाई अस्थायी रूपमा राखिएको छ। उनले यस पूरा स्थितिमाथि केन्द्र सरकारलाई विस्तृत रिपोर्ट पठाउने कुरा गरेका थिए र मुख्यमन्त्रीसित पनि यस मुद्दामा चर्चा गर्ने आश्वासन दिएका थिए। उनले यो पनि भनेका थिए, मुर्शिदाबादको संवेदनशील क्षेत्रहरूमा स्थायी केन्द्रिय सशस्त्र पुलिस बल (सीएपीएफ) को तैनाती गरिने स्थानीय मानिसहरू मागलाई केन्द्रसम्म पुऱ्याउनेछन्।

आइतवार साझँ राज्यपालले राष्ट्रिय महिला आय़ोग (एनसीडब्ल्यू) की अध्य़क्ष सहित एक प्रतिनिधिमण्डललाई पनि भेटे औं मुर्शिदाबादको स्थितिमाथि विस्तारमा चर्चा गरे। राज्यपालले आय़ोगलाई आश्वस्त गरे कि त्यहाँ महिलाहरू र नानीहरूको सुरक्षा सुनिश्चित गरिनेछ।

हिन्दुस्थान समाचार / भवानी थामी