नयाँ दिल्ली, 12 जुलाई (हि.स.)। मुख्यमन्त्री रेखा गुप्ताले शनिवार शालीमार बागको माझ जनता फ्ल्याट्समा ओभरहेड बिजुलीका तारहरूलाई भूमिगत गर्ने पायलट परियोजनाको उद्घाटन गरिन्। यस अवसरमा दिल्लीका ऊर्जा मन्त्री आशिष सूद पनि उपस्थित थिए।
मुख्यमन्त्रीले पत्रकारहरूलाई सम्बोधन गर्दै भनिन्, यो दिल्लीका मानिसहरूको सुरक्षाको लागि भूमिगत बिजुलीको तार बिछ्याउने एक पायलट परियोजना हो। यो दिल्लीलाई ओभरहेड तारहरूदेखि मुक्ति दिलाउने एक भिजन हो ताकि क्षेत्रलाई सुरक्षित बिजुली आपूर्ति प्राप्त हुन सकोस्। उनले भनिन्, ओभरहेड तारहरूको कारणले दिल्लीको जुन दशा भएको छ, त्यसलाई समाप्त गरिनेछ। यी ओभरहेड तारहरूलाई हटाइएपछि दिल्ली सुन्दर देखिनेछ।
यस अवसरमा ऊर्जा मन्त्री आशीष सूदले पत्रकारहरूलाई सम्बोधन गर्दै भने, मुख्यमन्त्रीको नेतृत्वमा दिल्लीलाई ओभरहेड बिजुलीका तारहरूदेखि मुक्त गराउने प्रयास गरिँदैछ। दिल्ली सरकारसित पूँजीगत व्ययको नाममा शून्य पैसा थियो। हामीले बिस्तारै दिल्लीको बिजुलीको बुनियादी ढाँचालाई बलियो बनाउनको लागि ठोस कद उठाइरहेका छौं।
उनले भने, दिल्लीका जनतामाथि बोझ नदिई केन्द्र सरकारको सहयोगमा यस पायलट परियोजनालाई अगाड़ि बढ़ाइनेछ। यो पहल दिल्लीलाई तारमुक्त शहर बनाउने दिशामा एउटा ठूलो कदम हो जसबाट श्रेष्ठ जन सुरक्षा, श्रेष्ठ शहरी दक्षता औ राजधानीको दीर्घकालिक विकास लक्ष्य अनुरूप एक अधिक सुदृढ़ बुनियादी ढाँचा सुनिश्चित हुनेछ।
हिन्दुस्थान समाचार / उष्णता छेत्री शर्मा
12 Jul 2025