गोलाघाट (असम), 26 जुलाई (हि.स.)। देशका अन्य भागहरू सरह गोलाघाट जिल्ला अन्तर्गत खुमटाईमा पनि शनिवार 26औं कारगिल विजय दिवस समारोह आयोजना गरियो। खुमटाईमा दिनभरि नै विभिन्न कार्यक्रमहरूको साथमा कारगिल विजय दिवस मनाइयो।
यसको साथै जासिंगफा लेखिका समारोह समिति एवं परिवारको सहयोगमा कारगिलमा आफ्नो प्राणको आहुति दिने खुमटाईका वीर क्याप्टन जिन्टु गोगोईको समाधि स्थलमा पनि कारगिल विजय दिवस मनाइयो।
ध्वजारोहण पश्चात बलिदानको समाधिमा श्रद्धाञ्जलि अर्पण गरियो। कारगिल विजय दिवसको दिन क्याप्टन जिन्टु गोगोईलाई स्मरण गर्ने क्रममा खुमटाईका स्थानीय नागरिकहरू ठूलो संख्यामा उपस्थित भए। विधायक मृणाल सौकियाले समाधि स्थलमा उपस्थित भएर क्याप्टन जिन्टुलाई श्रद्धाञ्जलि दिए। गोलाघाट जिल्लाका पूर्व सैनिकहरूले पनि श्रद्धाञ्जलि अर्पण गरे।
हिन्दुस्थान समाचार / उष्णता छेत्री शर्मा
