नयाँ दिल्ली, 03 जुलाई (हि.स.)। पहलगाममा भएको आतङ्की हमलापछि भारतमा सबै पाकिस्तानी कलाकारहरूको सोशल मीडिया अकाउन्ट्समाथि प्रतिबन्ध लगाइएको थियो। केही समय अगाड़ी यी अकाउन्ट्सबाट ब्यान हटाइयो, जसबाट देशका जनतामा रोष देखिन थाल्यो। अल इण्डिया सिने वर्कर्स एसोसिएशनले पनि यस फसेलाको आलोचना गर्दै प्रधानमन्त्री नरेनद्र मोदीलाई एउटा चिट्ठी लेखेको थियो। अब एक पल्ट फेरि पाकिस्तानी कलाकारहरूको सोशल मीडिया अकाउन्ट्समाथि भारतमा ब्यान लगाइएको छ। यस फसेलापछि सोशल मीडियामा यसलाई लिएर प्रतिक्रियाहरूको क्रम जारी छ।
रिपोर्ट्स अनुसार, भारत सरकारले एक आपातकालीन समीक्षा बैठकपछि एक पल्ट फेरि कड़ा कदम उठाउँदै 18 हजारभन्दा अधिक पाकिस्तान सोशल मीडिया अकाउन्ट्सलाई भारतमा ब्यान गरेको छ। हालमा मावरा होकेन, हानिया आमिर र फवाद खान जस्ता धेरै पाकिस्तानी कलाकारहरू र क्रिकेटरहरूको सोशल मीडिया प्रोफाइल भारतीय यूजर्सले देखिरहेका थिए तर अब सरकारको नयाँ कारबाही अन्तर्गत यी सबैको इन्स्टाग्राम अकाउन्ट्सलाई भारतमा पुनः ब्लक गरिएको छ।
जब कुनै भारतीय यूजरले पाकिस्तानी कलाकारहरूको सोशल मीडिया अकाउन्टलाई खोल्ने प्रय़ास गरे स्क्रीनमा ‘यो अकाउन्ट भारतमा उपलब्ध छैन’ भन्ने सन्देश देखिन्छ।
उल्लेख्य, 22 अप्रेलमा पहलगाममा आतङ्की हमला भएदेखि भारत र पाकिस्तानको सम्बन्धमा तनाउ धेरै बढ़ेको छ। यस राजनीतिक र कूटनीतिक टकराउको असर अब सीधा मनोरञ्जन जगतमाथि पनि परिरहेको छ।
हिन्दुस्थान समाचार / भवानी थामी
