गुवाहाटी, 05 जुलाई (हि.स.)। असममा वर्षौं पुरानो आध्यात्मिक केन्द्र सत्र आज अतिक्रमणको चपेटमा छ। भारतीय जनता पार्टी (भाजपा) का प्रदेश अध्यक्ष दिलीप सैकियाले शनिवार यी कुरा भनेका हुन्। उनी राजधानी गुवाहाटीमा कार्यक्रमपछि पत्रकारहरूसित कुराकानी गरिरहेका थिए।
भाजपा अध्यक्षले भऩे, वर्तमानमा 922 सत्रको जमीनमा अवैध कब्जा छ, जसलाई हटाउन सरकार र भाजपा कटिबद्ध छ। उनले दोहोऱ्याए कि सत्रहरूको गुमाएको गरिमा र सांस्कृतिक धरोहरलाई पुनर्स्थापित गर्नु पार्टीको प्राथमिक लक्ष्य हो।
उनले भने, आजादीपछि 69 वर्षसम्म असममा कांग्रेसको शासन रह्यो तर यस अवधि उसले स्थानीय निवासीहरूको अधिकारहरूको रक्षा गर्नका सट्टा भोट ब्याङ्कको राजनीति अन्तर्गत एक विशेष धार्मिक समुदायको तुष्टीकरण गऱ्यो। यसैले गर्दा अवैध घुसपैठीहरूले साहस पाए औं हजारौं बीघा जमीनमा कब्जा भयो। बरपेटा जिल्लामा 7,137 बीघा, बजालीमा 2,757.39 बीघा, नगाउँमा 2,583.79 बीघा र लखीमपुरमा 896.76 बीघा सत्रको ज़मीनमा आजपनि अतिक्रमण छ।
हिन्दुस्थान समाचार / बिशाल
