वरिष्ठ पुलिस अधिकारी श्रीधर रावले मुख्यमन्त्रीसॅंग भेट गरे
गान्तोक, 07 जुलाई (हि.स.)। सिक्किम पुलिसका एक वरिष्ठ अधिकारी श्रीधर राव आईपीएसले आज मुख्यमन्त्री प्रेमसिंह तामाङसॅंग शिष्टाचार भेट गरे। मुख्यमन्त्रीले श्रीधर रावलाई महानिदेशक (सतर्कता एवं भ्रष्टाचार निरोधक) पदमा पदोन्नति र नियुक्तिको लागि बधाई दिए।
मुख्यमन्त्रीले आज सामाजिक सञ्जालमा एक उच्च सम्मानित अधिकारी रावले राज्य सरकारमा र आन्ध्र प्रदेश सरकारमा प्रतिनियुक्तमा विभिन्न पदहरूमा विशिष्टताका साथ सेवा पुऱ्याएको बताएका छन्। उनी हालै 2024 मा उत्कृष्ट सेवाका लागि राष्ट्रपति पुलिस मेडलले सम्मानित बने, जुन उनको अनुकरणीय समर्पण र निष्ठाको प्रमाण रहेको मुख्यमन्त्रीले उल्लेख गरेका छन्। उनले महानिदेशक रावलाई भावी जिम्मेवारीहरूको लागि शुभकामना व्यक्त गरेका छन्।
हिन्दुस्थान समाचार / बिशाल
सम्बन्धित समाचार
