तामुलपुर (असम), 30 अगस्त (हि.स.)। तामुलपुर जिल्लान्तर्गत भारत-भुटान सीमावर्ती क्षेत्रमा सशस्त्र सीमा बल (एसएसबी)- को टीमले अभियान संचालन गरी वन्य जीवहरूको अंग लगायत अन्य सामग्रीहरू सहित एक जना तस्करलाई पक्राउ गरेको छ।

एसएसबी सूत्रले आज बताएको छ, कुमारीकाटाको सीमावर्ती क्षेत्रमा एसएसबीको 24औं बटालियनले एक जना तस्करलाई पक्राउ गरी ठूलो सफलता हासिल गऱ्यो। तस्करबाट एउटा हात्तीको दाँत, एउटा मयुर, दुई वटा धनुष, तीन वटा तीर, एउटा शिकारी जाल आदि जफत गरियो। तस्करको पहिचान सुनिल दासको रूपमा भएको छ। जफत गरिएका सामग्रीहरू सहित तस्करलाई एसएसबीले अग्रिम कानूनी कारबाहीको निम्ति कुमारीकाटा वन क्षेत्रीय कार्यालमा सुम्पिदिएको छ।

हिन्दुस्थान समाचार / उष्णता छेत्री शर्मा