मुम्बई, 30 अगस्त (हि.स.)। महाराष्ट्र बीड़ जिल्लामा धुले-सोलापुर राष्ट्रिय राजमार्गमा नमलगाउँ फाटा फ्लाइओवर निकट शनिवार बिहान एक तीव्र रफ्तार कन्टेनरले कुल्चेर छह पैदल यात्रीहरूको मृत्यु भएको छ। बीड़ ग्रामीण पुलिसको टीमले यस मामिलामा कन्टेनर चालकलाई पक्राउ गरेको छ र मामिलाको छानबीन गरिरहेको छ।
बीड़मा भएको यस दुःखद सड़क घटनाको छानबीन गरिरहेका पुलिस अधिकारीले बताए, आज बिहान छह जना धुले-सोलापुर राष्ट्रिय राजमार्गबाट पेन्डगाउँमा देवदर्शनको निम्ति गइरहेका थिए। तब नमलगाउँ फाटा फ्लाईओवर निकट पछाड़ीबाट आइरहेको तीव्र रफ्तार कन्टेनरले यी सबैलाई कुल्च्यो र कन्टेनर चालक कन्टेनरलाई लिएर भाग्यो। यस घटनामा चार जनाको घटनास्थलमै मृत्यु भयो जबकि दुई जना घाइतेलाई तत्काल बीड़ जिल्ला अस्पतालमा पुऱ्याइयो तर उपचार भईरहेको बेला यी दुईको पनि मृत्यु भयो।
यस घटनामा मृतकहरूको पहिचान विशाल श्रीकिसन काकड़े, अमोल नामदेव गर्जे, आकाश कोलसे, पवन जगताप, किशोर टोर र एक अन्यको रुपमा गरिएको छ। यस घटनाको जानकारी पाउनसाथ बीड़ ग्रामीण पुलिसले कन्टेनर चालकलाई पक्राउ गरेको छ। पुलिस अग्रिम कारबाहीमा जुटेको छ।
हिन्दुस्थान समाचार / भवानी थामी
