नयाँ दिल्ली, 08 अगस्त (हि.स.)। कांग्रेस नेता एवं सांसद राहुल गान्धीको चुनाउ आयोगलाई लिएर दिइएको बयानमा भारतीय जनता पार्टी (भाजपा) ले प्रतिक्रिया दिँदै यसलाई झूठो नरेटिव ठहर गरेको छ। भाजपाले भन्यो, लोकसभामा नेता प्रतिपक्ष राहुल गान्धीले तयारी गरेर धेरै ठूलो झूट बोलेका छन्।

शुक्रवार भाजपा मुख्यालयमा आयोजित पत्रकार वार्तामा केन्द्रिय मन्त्री भूपेन्द्र यादवले भने, धेरै दिनदेखि हाम्रा देशका नेता प्रतिपक्ष राहुल गान्धीले एक एटम बमको कुरा गरिरहेका थिए। उनले त जुन रूखमा बसेका थिए, त्यसैलाई बञ्चरोले काट्ने काम गरिरहेका थिए। कांग्रेस युवराज एवं नेता प्रतिपक्षको भाषाको जुन अहंकार थियो, त्यो चुनाउ आय़ोगका कर्मचारीहरूका लागि थियो। उनले भने, राहुलले जुन झूठा नरेटिभ बनाउने प्रयास गरेका छन्, त्यो उनकै तथ्यहरूले पूर्ण रूपमा ध्वस्त भएको छ। के नेता प्रतिपक्षलाई देशका संवैधानिक संस्थाहरूका कर्मचारीहरूका लागि यस्ता भाषा शोभा दिन्छ। देशको सेनाको गौरवमाथि प्रश्न उठाउने पनि राहुल गान्धी नै हुन्। सुप्रीम कोर्टको टिप्पणीमा कांग्रेसका नेता कोर्टलाई पनि ना-ना थरी बोल्नदेखि पछि हट्दैनन्।

यादवले भने, राहुल गान्धीले आरोप लगाएका छन् कि महाराष्ट्रमा 1 करोड़ भोट बढ्यो। भारतीय चुनाउ आयोगको वेबसाइटमा छ कि 2024 मा महाराष्ट्र विधानसभामा 9,71,41, 289 भोटर थिए र लोकसभाको समय 9,30,61,760 भोटर थिए। लोकसभा र विधानसभाबीच 40 लाख भोट बढ्यो, जबकि राहुल गान्धीले एक करोड़ बताइरहेका छन् भने 60 प्रतिशतको मार्जिन भयो। के अबदेखि उनले जेपनि भने त्यसलाई 60 प्रतिशत माइनस गरेर बुझ्नुपर्ने हो।

केन्द्रिय मन्त्री यादवले भने, यस देशको आर्मी, चुनाउ आयोग, संसद यी सब यस्ता संस्थाहरू हुन्, जसले स्वायत्त र स्वाधीन भएर काम गर्दछ। हामी सबै यसद्वारा पूर्ण रूपमा नियन्त्रित छौं। यसैले कुनै स्वतन्त्र संस्थाले जब कुनैपनि राजनीतिक प्रोसेसलाई फलो गर्दछ, तब उसले हामी सबैलाई मान्नुपर्छ किनभने यी सबै संस्थाहरूलाई संवैधानिक दर्जा देशको संविधानले दिएको छ।

हिन्दुस्थान समाचार / भवानी थामी