गान्तोक, 13 सेप्टेम्बर (हि.स.)। पूर्व मुख्यमन्त्री एवं एसडीएफ पार्टीका पवन चाम्लिङले मेघालयका पूर्व मुख्यमन्त्री डोना डेथवेलसन लपाङ (डीडी लपाङ) को निधनको खबरले राष्ट्र शोकमा डुबेको बताएका छन्। उनले गए राति शिलङको बेथानी अस्पतालमा ९३ वर्षको उमेरमा अन्तिम सास लिए।
एसडीएफ अध्यक्षले आफ्नो शोक सन्देशमा भने, डीडी लपाङले आफ्नो राजनीतिक यात्रा सन् १९७२ मा सुरु गरे, जब उनी स्वतन्त्र उम्मेदवारका रूपमा नोङ्पो निर्वाचन क्षेत्रबाट पहिलो पटक मेघालय विधानसभामा निर्वाचित भए। उनले १९९२ देखि २०१० सम्म चार पटक मेघालयका मुख्यमन्त्रीको जिम्मेवारी सम्हालेका थिए।
उनले भने, राजनीतिमा प्रवेश गर्नु अघि उनी शिक्षक र सरकारी कर्मचारीका रूपमा कार्यरत थिए। साधारण पृष्ठभूमिबाट आएका स्व. लपाङले मजदुरको काम पनि गरे र आमासँग सानो चिया पसल पनि चलाएर सहयोग गरेका थिए।
पूर्व मुख्यमन्त्री चाम्लिङले शोक सन्तप्त परिवार र मेघालयका जनताप्रति हार्दिक समवेदना व्यक्त गरेका छन्, जसले आफ्ना प्रिय र सम्मानित नेतामध्ये एक जनालाई गुमाएका छन्।
---------------
हिन्दुस्थान समाचार / बिशाल
