गान्तोक, 28 सेप्टेम्बर (हि.स.)। नयाॅं दिल्लीबाट आएका पशुपालन एवं दुग्धका वरिष्ठ तथ्याङ्क अधिकारी कमल कुमारले आकांक्षी जिल्ला नम्ची भ्रमण गरेका छन्। भ्रमणको मुख्य उद्देश्य विभिन्न केन्द्रिय योजनाहरूको कार्यान्वयनको मूल्याङ्कन गर्नु र किसानहरूलाई योजना लाभबारे जानकारी दिनु रहेको राज्य पशुपालन एवं पशु चिकित्सा विभागले बताएको छ।
भ्रमणका क्रममा अधिकारीले जिल्ला पशु चिकित्सालयको अवलोकन गरेका र आर्टिफिशियल इन्मेमिनेशन, बीमा, जन-धन गणना लगायतका कार्यक्रमहरूको कार्यान्वयनको प्रगति जाँच गरेका थिए। साथै, अप्पर घुर्पिसे र जाउबारी गाउँको क्षेत्र भ्रमण गरी किसानहरूसँग संवाद गरे र घर-घर भ्रमणमार्फत योजनाको लाभ सुनिश्चित गरे।
क्षेत्र भ्रमणमा दूध सङ्कलन केन्द्र पनि अवलोकन गरियो, जहाँ किसानहरूलाई योजना लाभ लिन प्रेरित गरिएको थियो। भ्रमण सफल रहेको र किसान तथा विभागबीच सकारात्मक अन्तरक्रिया भएको विभागले बताएको छ।
---------------
हिन्दुस्थान समाचार / बिशाल
