गान्तोक, 19 अक्टोबर (हि.स.)। सिक्किमका नवनियुक्त राज्यपाल दुष्यन्त कुमार गौतमले पद तथा गोपनीयताको शपथ ग्रहण गरेपछि भारतीय जनता पार्टी (भाजपा) सिक्किमले उनलाई हार्दिक बधाई तथा शुभकामना व्यक्त गरेको छ।

भाजपा सिक्किमले आज आफ्नो आधिकारिक सामाजिक सञ्जाल पोस्टमार्फत सन्देश जारी गर्दै राज्यपाल गौतमको सफल कार्यकालको कामना गरेको छ। पार्टीले उनको कार्यकाल संवैधानिक मूल्य-मान्यता, जनसेवा तथा सिक्किमका जनताको कल्याणप्रति समर्पित रहने विश्वास व्यक्त गरेको छ।

पार्टीले राज्यपाल गौतमको नेतृत्वमा सिक्किममा शान्ति, समृद्धि तथा समावेशी विकासलाई थप प्रोत्साहन मिल्ने र सिक्किमको राष्ट्रसँगको सम्बन्ध अझ सुदृढ हुने आशा पनि व्यक्त गरेको छ।

हिन्दुस्थान समाचार / बिशाल