पटना/हाजीपुर, 22 अक्टोबर (हि.स.)। खाद्य पदार्थहरूको गुणस्तर र स्वच्छता सुनिश्चित गर्न तथा आम जनताको स्वास्थ्यको रक्षा गर्न खाद्य सुरक्षा आयुक्त कुमार रविको निर्देशनमा बिहार सरकारको स्वास्थ्य विभागले खाद्य प्रतिष्ठानहरू विरुद्ध कड़ा कारबाही गरिरहेको छ।
सोही क्रममा मेसर्स साहु होटल, राजेन्द्र चोक, हाजीपुरको टड़कामा ककरोच फेला परेको गुनासो खाद्य सुरक्षा आयुक्त, पाटनाको कार्यालयले प्राप्त गरेको थियो। उजुरीको आलोकमा उक्त प्रतिष्ठानमा वैशाली जिल्लाका खाद्य सुरक्षा अधिकारीले निरीक्षण गरेका थिए। अनुसन्धानको क्रममा होटलको भान्साघर अस्वच्छ अवस्थामा रहेको र तयार खानेकुरा खुल्ला अनि फोहोर ठाउँमा राखिएको पाइएको थियो। उक्त अनियमितताहरू खाद्य सुरक्षा एवं मानक ऐन, 2006 अन्तर्गत निर्धारित अनुसूची-4 अनि गुड म्यान्युफ्याक्चरिङ्ग प्रेक्टिस (जीएमपी) का प्रावधानहरूको उल्लङ्घन हो। यसलाई गम्भीरताको साथमा लिँदै 22 अक्टोबर, 2026- देखि नामित अधिकारी तथ सह-लाइसेन्सिङ्ग प्राधिकरणले प्रतिष्ठानको खाद्य लाइसेन्सलाई तत्काल प्रभावबाट निलम्बन गरिदिएका छन्।
साथै, वैध लाइसेन्स बिनै प्रतिष्ठानको सञ्चालनलाई निषेध गरिएको छ। स्वास्थ्य विभागले खाद्य व्यापारीहरूलाई निर्धारित स्वच्छता मापदण्ड पालना गर्न र सर्वसाधारणलाई सुरक्षित तथा गुणस्तरीय खाद्य पदार्थ उपलब्ध गराउन अपील गरेको छ।
--------
/ बिशाल
22 Oct 2026
