फतेहाबाद, 4 अक्टोबर (हि.स.)। साइबर अपराधीहरूविरुद्ध सञ्चालित अभियान अन्तर्गत थाना साइबर क्राइम फतेहाबादले पुलिसले बीमा पोलिसीमा भारी लाभ हुने प्रलोभन देखाएर 4 लाख 68 हजार 82। रुपियाँ ठगेको मामिलामा पुलिसले ठूलो कारबाही गरेको छ। पुलिसले मामिलासित सम्बन्धित अर्का सहअभियुक्तलाई पक्राउ गरेको छ।
पक्रा पर्ने अभियुक्तको पहिचान दक्षिण-पश्चिमी दिल्लीको कङ्गनहेड़ी निवासी सुरेश पालको रूपमा भएको छ। अभियुक्तलाई पुलिसले अदालतमा पेश गऱ्यो जहाँबाट उसलाई न्यायिक हिरासतमा हिसार जेलमा पठाइएको छ। यस अन्तर्राज्यीय ठगी गिरोहको मामिलामा फतेहाबाद साइबर पुलिसले अहिलेसम्ममा 9 जना अभियुक्तहरूलाई जेलमा थुनिसकेको छ।
आइतवार थाना साइबर क्राइम प्रभारी निरीक्षक राहुल देवले बताए, गाउँ हिजरावाँ कलाँका बासिन्दा बलजिन्दर सिंहले साइबर पुलिसमा उजुरी गरेका थिए। उजुरीमा भनिएको छ, केही अज्ञात व्यक्तिहरूले आफूलाई एक प्रतिष्ठित बीमा कम्पनीको प्रतिनिधि बताएर उसित सम्पर्क गरे। अभियुक्तहरूले पीड़ितलाई नक्कली ग्राहक आईडी बनाउने अनि उनीहरूकोको बीमा पोलिसिमा ठूलो मुनाफा र अन्य वित्तीय लाभहरू दिलाउने प्रलोभन देखाए। प्रलोभनमा फसाएर ठगहरूले उनलाई विभिन्न ब्याङ्क खाताहरूमा अनलाइन लेन-देनको माध्यमबाट मोठ 4,46,882 रुपियाँ जम्मा गर्न लगाए। पीड़ितले आफू ठगिएको महसूस भएपछि उनले तुरुन्तै राष्ट्रिय साइबर पोर्टलमा आफ्नो उजुरी दर्ता गराए।
उजुरीको आधारमा साइबर क्राइम थाना साइबर क्राइम फतेहाबादमा मुद्दा दर्ता गरी अनुसन्धान शुरू गरियो। थाना प्रभारी निरीक्षक राहुल देवले बताए,साइबर पुलिसको टीमले ब्याङ्क खाताको डिजिटल रेकर्ड, वित्तीय लेन-देन र अन्य प्राविधिक प्रमाणको आधारमा यस गिरोहको सम्पूर्ण नेटवर्कलाई खङ्गालिरहेको छ।
हिन्दुस्थान समाचार / उष्णता छेत्री शर्मा
