जम्मू, 07 अक्टोबर (हि.स.)। नेशनल इन्भेस्टिगेशन एजेन्सी (एनआईए) को उजुरीमा स्पेशल एनआईएकोर्टले पाकिस्तानमा लुकेर बसेका एकजना वान्टेड आतङ्कवादीलाई घोषित अपराधी घोषणा गरेको छ।

पुँछ जिल्लाको हरि गाउँका बासिन्दा नाजिर हुसेन आतङ्कवादी षड़यन्त्रको एक मामिलामा वान्टेड छ। एनआईएले यस मामिलाको अनुसन्धान गरिरहेको छ। यो मामिला अक्टोबर, 2024 मा सीमावर्ती जिल्लाको सुरनकोट क्षेत्रमा एकजना 'ओभरग्राउण्ड कामदार' बाट केही ग्रेनेडहरू भेटिएपछि शुरु भएको थियो। अनुसन्धानमा थाहा लाग्यो, विस्फोट गराउनको लागि ग्रेनेडको खेपलाई कथित रूपमा हुसेनले सीमापारीबाट पठाएको थियो। हुसेनलाई अली खान, नासिर, नाजिरु र शाहिन जस्ता धेरै वटा नामहरूले पनि चिनिन्छ।

जम्मूमा एनआईएका विशेष न्यायाधीश प्रेम सागरले गत एक अक्टोबरमा एनआईएको निवेदन सुनेपछि हुसेनलाई 'भारतीय नागरिक सुरक्षा संहिता'को धारा 84 अन्तर्गत 'घोषित अपराधी' घोषित गरे। अदालतको आदेश अनुसार अभियुक्तविरुद्ध गैरजमानती वारेन्ट जारी भइसकेको थियो, तर उसलाई घरमा नभेटिएको कारणले यो वारेन्ट कार्यान्वयन हुन सकेन। एनआईएको रिपोर्ट अनुसार उ भागेर पाकिस्तानमा गएको थियो।

कोर्टले भन्यो, अभियोजन पक्षले अखबार र जम्मू-कश्मीर सरकारको राजपत्रमा सूचना प्रकाशित गरे तापनि अभियुक्त उपस्थित भएन, न त पेश भयो न त आत्मसमर्पण गऱ्यो। यसबाट स्पष्ट हुन्छ कि उसले जानाजानी पक्राउबाट बच्ने प्रयास गरेको हो।

--------

ॉ

हिन्दुस्थान समाचार / उष्णता छेत्री शर्मा