हुगली, 01 नोभेम्बर (हि.स.)। जिल्लाको श्रीरामपुरास्थित महेश जगन्नाथ मन्दिरको स्नानापीड़ी मैदानमा आइतवार बिहान 11 हजार कण्ठहरूबाट सामूहिक गीता पठको भव्य कार्यक्रम शुरु भयो। कार्यक्रममा श्रद्धालुहरूको उत्साहपूर्वक सहभागिता देखियो। उक्त कार्यक्रमलाई ध्यानमा राख्दै चन्दननगर पुलिस कमिश्नरेटले सुरक्षाको कड़ा व्यवस्था गरेको छ।

यस धार्मिक कार्यक्रममा सनातनी संस्कृति संसदका अध्यक्ष कार्तिक महाराज, पुरीका भवानी दास महाराज, महेश जगन्नाथ मन्दिरका प्रधान सेवक सोमन अधिकारी सहित ठूलो सङ्ख्यामा सन्त एवं भक्तहरू उपस्थित थिए।

कार्यक्रमकी प्रमुख आयोजक नमिता नायकले बताइन्, यस कार्यक्रमलाई लिएर जनतामा ठूलो उत्साह छ। पछिल्लो सरकारको कार्यकालमा सनातन धर्मसँग सम्बन्धित कार्यक्रम आयोजना गर्नको लागि धेरै प्रकारको प्रतिबन्ध लगाइएको थियो भने वर्तमान सरकारमा यस्ता धार्मिक कार्यक्रममा कुनै प्रतिबन्ध छैन। यसले आयोजक र भक्तहरूको उत्साह बढ़ाएको छ।

11 हजार कण्ठद्वारा गीता पाठको यस आयोजनको कारणले सम्पूर्ण क्षेत्रमा धार्मिक वातावरण सृजना भएको छ।

--------

हिन्दुस्थान समाचार / उष्णता छेत्री शर्मा