कामरूप (असम), 04 नोभेम्बर (हि.स.)। कामरूप (ग्रामीण) जिल्ला रङ्गियामा पारिवारिक विवादले पीडादायी एवं डरलाग्दो मोड लियो। आफ्नी पत्नीको धारिलो हतियारले हत्या गरेपछि पतिले आत्महत्या गरेको घटना प्रकाशमा आएको छ। दोहोरो मृत्युको घटनाले सम्पूर्ण क्षेत्रमा शोकसँगसँगै सनसनीपूर्ण वातावरण सिर्जना गरेको छ।

प्राप्त जानकारी अनुसार यो घटना बितेको मध्यराती रङ्गियाको कनिया थाना अन्तर्ग बड़डोङ्गा बटाकुची गाउँको इस्लामपुर इलाकामा भएको हो। इमदाद अलीले आफ्नो घरमा सुतिरहेकी आफ्नी पत्नी माबियारा बेगमलाई धारिलो हतियारले प्रहार गरी हत्या गरेको आरोप लगाइएको छ।

आफ्नी श्रीमतीको हत्या गरेपछि अभियुक्त पति इमदाद अलीले घटनास्थलबाट करिब चार किलोमिटर टाढ़ा कलमानी गाउँमा आत्महत्या गरेको बताइएको छ।

प्रथम दृष्टिमा पारिवारिक विवाद नै घटनाको कारण रहेको अनुमान गरिएको छ। तर हत्या र आत्महत्याको वास्तविक कारण अझै थाहा हुन सकेको छैन।

घटनाको जानकारी पाएपछि घटनास्थलमा पुगेको पुलिसले अनुसन्धान गरिरहेको छ। सम्पूर्ण घटनाको अनुसन्धान पूरा भएपछि मात्रै यस दुःखद घटनाको वास्तविक कारण थाहा हुनेछ।

एउटै परिवारका दुई जना सदस्यको मृत्युले यस क्षेत्रमा शोक छाएको छ। पारिवारिक कलहको यस्तो भयानक अन्त्यले स्थानीयहरूलाई स्तब्ध पारेको छ।

/ बिशाल