नयाँ दिल्ली, २९ मार्च (हि.स.)। प्रधानमन्त्री नरेन्द्र मोदीले विश्वव्यापी संघर्षको स्थिति र ऊर्जा संकटप्रति चिन्ता व्यक्त गर्दै आइतबार ‘मन की बात’ कार्यक्रममार्फत देशवासीलाई फेरि एकपटक अफवाहमा ध्यान नदिन र एकजुटता कायम राख्न अपील गरे। उनले भने, अन्तरराष्ट्रिय संघर्षका कारण पेट्रोल र डिजलको उपलब्धता प्रभावित भइरहेको छ। यस्तो समयमा अफवाहबाट टाडा रहनु र आधिकारिक जानकारीमा विश्वास गर्नु आवश्यक छ।
प्रधानमन्त्री मोदीले आफ्नो मासिक रेडियो कार्यक्रम ‘मन की बात’ को १३२ औं एपिसोडमा आज यी कुरा भने। उनले खाडी देशहरूको संघर्षबीच त्यहाँ बसोबास गर्ने भारतीयहरूको संरक्षणका लागि दिइएको सहयोगप्रति धन्यवाद दिए। उनले भने, विश्वको ऊर्जा आवश्यकता यो क्षेत्रसँग जोडिएको छ, जसका कारण वर्तमान संघर्षको प्रभाव परेको छ। उनले भने, भारतले आफ्ना अन्तरराष्ट्रिय सम्बन्धको उपयोग गरी स्थिति सामना गरिरहेको छ।
प्रधानमन्त्रीले यस विषयमा राजनीति गर्नबाट जोगिन सल्लाह पनि दिए। उनले भने, यो १४० करोड़ जनतासँग जोडिएको मुद्दा हो र यसमा स्वार्थी राजनीतिको कुनै स्थान छैन। उनले अफवाह फैलाउनेहरूलाई देशका लागि हानिकारक ठहराए र नागरिकहरुलाई सरकारी जानकारीमा मात्र विश्वास गर्न अपील गरे।
उल्लेख्य, पश्चिम एसियामा जारी संघर्षका कारण विश्वव्यापी ऊर्जा आपूर्ति प्रभावित भइरहेको छ, जसबाट धेरै देशहरूमा इन्धन संकटको स्थिति बनेको छ।
---------------
हिन्दुस्थान समाचार / भवानी थामी
